Xantel

Blog

  • Bari umeed hai Sarkar qadmon mein bulayenge

    Bari umeed hai Sarkar qadmon mein bulayenge
    Karam ki jab nazar ho gi Madine hum bhi jayenge

    Agar jaana Madine mein huwa hum gham ke maaron ka
    makeene Gumbad-e-Khazra ko haal-e-dil sunayenge

    Kasam Allah ki ho ga woh manzar deed ke qabil
    Qayamat mein Rasulallah jab tashreef layenge

    Qayamat tak jagayenge na phir Munkar Nakeer usko
    Lahad mein wo jisse apna Rukh-e-Zaiba dikhayenge

    Gunahgaron mein khud aa aa kar shamil parsaa honge
    Shafi-e-Hashr jab Daaman-e-Rehmat mein chupayenge

    Gham-e-Ishq-e-Nabi se hoga jab maamoor dil nayyar
    Tere zulmat kade mein bhi sitare jagmagayenge

  • Ban ke Noor e Khuda, Mustafa agaye

    Ban ke Noor e Khuda, Mustafa agaye
    Marhaba Marhaba Mustafa agaye


    Ujri dunya thi Aaqa ne aabaad ki
    Har taraf dhuum Unke he Milaad ki
    Sab ke Mushkil kusha, Mustafa agaye
    Marhaba Marhaba Mustafa agaye


    Ho gaye Noor dunya ke zulmat talle
    Jin ke aane se Mao ko bete mille
    Sarwar-e-Ambiyaa, Mustafa agaye 
    Marhaba Marhaba Mustafa agaye


    Arsh par jashan Jinn ka manaya gaya
    Sab Rasulon ko jiss me bulaaya gaya
    Haa wohi Dil Ruba Mustafa agaye
    Marhaba Marhaba Mustafa agaye


    Ab na maa’yuus hoga sawaali koi
    Aaj Naasir na lote ga khaali koi
    Muskura e gada , Mustafa agaye
    Marhaba Marhaba Mustafa agaye

  • Aminah Bibi ke Gulshan Mein

    Aminah Bibi Ke Gulshan Mein Aayi Hai Taaza Bahaar
    Parhte Hain Salla Alayka Wasallam Aaj Dar O Dewaar Madani


    Barah Rabi Ul Awwal Ko Aaya Durre Yateem
    Maah E Nabuwwat Mehr E Risaalat Saahib E Khulq E Azeem Madani


    Pyari Soorat Hasta Chehra Muh Se Jarhhte Phool
    Noor Sarapa Chand Sa Chehra Haq Ka Pyara Rasool Madani

    Jibreel Aaye Jhula Julane Lori De Zeeshan
    So Ja So Ja Rehmat E A’alam Do Jag Ke Sultaan Madani

    Awwal O Aakhir Sab Kuch Jaane Dekhe Ba’eed O Qareeb
    Ghaib Ki Khabre Dene Wala Allah Ka Wo Habeeb Madani

    Haamid O Mehmood Aur Muhammad Do Jag Ka Sardaar
    Jaan se Pyara Raaj Dulaara Rahmat Ki Sarkaar Madani

    Audio Credit: owaisqadri.com

  • Allah Ne Pohnchaya Sarkar Ke Qadmon Mein

    Allah Ne Pohnchaya Sarkar Ke Qadmon Mein
    Sud Shukar Keh Mein Phir Aaya Sarkar Ke Qadmon Mein

    Rud Kaisay Bhala Hogi Ab Koi Dua Meri
    Mein Rub Ko Pukar Aaya Sarkar Ke Qadmon Mein

    Kuch Kehne Se Pehle Hee Puri Hoi Har Khuwahish
    Jo Socha Wohi Paaya Sarkar Ke Qadmon Mein

    Kuch Lamhay Huzoori Ke Paaye Tou Ye Lagta Hai
    Ik Umar Guzaar Aaya Sarkar Ke Qadmon Mein

    Mujh Jaisa Tahee Damaan Kiya Nazar Ko Lejaata
    Ik Naat Suna Aaya Sarkar Ke Qadmon Mein

    Yaad Aayei Sabih Apni Har Aik Khata Mujh Ko
    Amaal Pe Sharmaaya Sarkaar Ke Qadmon Mein

  • Ay Habib E Ahmed E Mujtaba Dil E Mubtala Ka Salam Lo

    Ay HabeeB E Ahmed E Mujtaba Dil E Mubtala Ka Salam Lo 
    Jo Wafa Ki Raah Me Kho Gaya Usi Gum Shuda Ka Salam Lo

    Mai Talab Se Baaz Na Aaunga Tu Karam Ka Haath Badhaye Ja 
    Jo Tere Karam Se Hai Aashna Usi Aashna Ka Salam Lo


    Meri Haazri Ho Madine Me Mile Lutf Mujh Ko Bhi Jine Me
    Tera Noor Ho Mere Seene Me Meri Iss Duaa Ka Salam Lo

    Koi Mar Raha Hai Bahisht Par Koi Chahata Hai Najaat ko 
    Mai Tujhi Ko Chahu Khuda Kare Meri Is Duaa ka Salam Lo


    Wo Hussain Jisne Chidak Ke Khun Chaman E Wafa Ko Hara Kiya 
    Usi Jaa(n) Nisaar Ka Wasta Ke Har Ik Gada Ka Salam Lo

    Tamam Auliya Ke Buland Sar Hai Qadam Pe Jinke Jhuke Huve
    Usi Pyare Ghous Ka Wasta Ke Har Ik Gada Ka Salam Lo


    Yehi Roz O Shab Hai Duaa Meri Ke Maru To Tere Dayaar Me 
    Yahi Mud-dua E Hayat Hai Isi Mud-dua Ka Salam Lo

  • Dam Ba Dam Allah Ho Allah Ho (Hamd)

    Allah Hye Allah Hye Allah Hye Allah Hye
    Allah Ho Allah Ho Dam Ba Dam Allah Ho Allah Ho
    Har Jagha Har Ghari Har Jagha Har Ghari Har Kadam Allah Ho
    Allah Hye Allah Hye Allah Hye Allah Hye
    Lamha Lamha Basar Ho Tere Zikar Main
    Zindgi Ka Safar Ho Tere Zikar Main
    Bas Zaban NagmaGer Ho Tere Zikar Main
    Dil Mera Shab Ho Sham-e-Haram Allah Ho
    Har Kali Har Samar Lehlahate Shajar
    Chandni Kehkashan Noori Shams-o-Qamar
    Yeh Zameen Yeh Falak Balke Har Khushk-o-Tar
    Kar Rahe Hain Sana Sab Baham Allah Ho
    Azmaton Rif-ato Ke Nisha(n) Tere Hai(n)
    Aey Khuda Yeh Zameen Asmaan TereHai(n)
    Malik-e-Do Jahan Ins-o-Jaan Tere Hai(n)
    Tu Hamara Hai aur Tere Hum Allah Ho

    Uss Ki Kudrat kiran Dar Kiran Dar Kiran
    Us ki Nadhat Chaman Dar Chaman Dar Chaman
    Us Ki Midhat  Pavan Dar Pavan Dar Pavan
    Likhon Ja Ghar Kalam Ba Kalam Allah Ho

  • Karam Jo Aapka Ay Sayyad E Abrar Ho Jaye


    Karam Jo Aapka Ay Sayyad E Abrar Ho Jaye
    To Har Badkaar Banda Damme Nekokaar Ho Jaye


    Jo Mo’min Dekhe Tumko Mahram E Asraar Ho Jaye
    Jo Kafir Dekhle Tumko Wo Deendaar Ho Jaye


    Jo Sar Rakhde Tumhare Qadam Pe Sardaar Ho Jaye
    Jo Tumse Sar Koi Fere Zaleelo Khaar Ho Jaye


    Talatum Kaise Bhi Kuch Ho Magar Ay Na Khuda E Man
    Ishara Aap Farmaye To Beda Paar Ho Jaye


    Inayat Se Mere Sar Par Agar Wo Kafshe Paa Rakh De
    Ye Banda Taajdaaro Ka Bhi To Sardaar Ho Jaye


    Tumhare Faiz Se Lathi Misaale Sham’a Roushan Ho
    Jo Tum Lakdi Ko Chaho Tej Talwaar Ho Jaye


    Gunah Kitne Hi Aur Kaise Hi Ho Par Rehmate Aalam
    Shafa’at Aap Farmaye To Beda Paar Ho Jaye


    Bharam Reh Jaye Mehshar Me Na Palla Halka Ho Apna
    Ilahi Mere Palle Par Mere Ghum Khwar Ho Jaye


    Tumhare Hukm Ka Bandha Hua Suraj Phire Ulta
    Jo Tum Chaho Ke Shab Din Ho Abhi Sarkaar Ho Jaye


    Kawafi Aur Mazami Achhe Achhe Hai Abhi Baaki
    Magar Bas Bhi Karo Noori Na Parhna Baar Ho Jaye

  • Ye Kehti Thi Ghar Ghar Me Ja Kar Haleema

    Ye Kehti Thi Ghar Ghar Me Ja Kar Haleema
    Mere Ghar Me Khairul Waraa Aa Gaye Hai
    Bade Auj Par Hai Mera Ab Muqaddar
    Mere Ghar Rasool E Khuda Aa Gaye Hai


    Uthi Chaarsu Rehmato Ki Ghataye
    Mu-attar Mu-attar Hai Saari Fazae
    Khushi Me Ye Jibreel Nagme Sunaye
    Wo Sha-faye Rouze Jaza Aa Gaye Hai


    Ye Zulmat Se Kehdo Andhere Uthale
    Ke Hai Har Taraf Ab Ujale Ujale
    Kaha Jinko Haq Ne Sirajammuneera
    Mere Ghar Wo Noor E Khuda Aa Gaye Hai


    Ye Sunkar Sakhee Aapka Aastaana
    Hai Daaman Pasare Hue Sab Zamana
    Nawaso Ka Sadqa Nigah E Karam Ho
    Tere Dar Pe Tere Gada Aa Gaye Hai


    Mukarrab Hai Be-Shaq Khaleelo Najee Bhi
    Badi Shaan Waale Kaleemo Maseeh Bhi
    Liye Arsh Ne Jinke Qadmo Ke Bouse
    Wo Ummi Laqab Mustafa Aa Gaye Hai


    Khuda Ke Karam Se Nakirain Aa Kar
    Kahenge Ziyarat Ka Muzdah Suna Kar
    Utho Behre Ta’azeem Noorul Hasan Ab
    Lahad Me Rasool E Khuda Aa Gaye Hai

  • Sahab E Rehmat E Baari Hai Barahvi Tareekh

    Sahab E Rehmat E Baari Hai Barahvi Tareekh
    Karam Ka Chashma E Jaari Hai Barahvi Tareekh


    Hame To Jaan Se Pyari Hai Barahvi Tareekh
    Aduu Ke Dil Ko Katari Hai Barahvi Tareekh


    Isi Ne Mousame Gil Ko Kiya Hai Mousame Ghul
    Bahar E Fazl E Bahari Hai Barahvi Tareekh


    Falak Pe Arshe Baree Ka Ghuman Hota Hai
    Zameen E Khuld Ki Kyari Hai Barahvi Tareekh


    Tamaam Ho Gayi Meelad E Ambiya Ki Khushi
    Hamesha Ab Teri Baari Hai Barahvi Tareekh


    Khuda Ke Fazl Se Imaan Me Hai Hum Poore
    Ke Apni Rooh Me Saari Hai Barahvi Tareekh


    Wiladat E Shahedee Har Khushi Ki Ba-is Hai
    Hazaar Eid Se Bhaari Hai Barahvi Tareekh


    Hamesha Tune Ghulamo Ke Dil Kiye Thande
    Jale Jo Tujhse Wo Naari Hai Barahvi Tareekh


    Aduu Wiladat E Shaita(n) Ke Din Manaye Khushi
    Ke Eid Eid Hamari Hai Barahvi Tareekh


    Hasan Wiladat E Sarkaar Se Huva Roushan
    Mere Khuda Ko Bhi Pyari Hai Barahvi Tareekh

  • Purnoor Hai Zamana Sub-he Shabe Wiladat

    Purnoor Hai Zamana Sub-he Shabe Wiladat
    Parda Utha Hai Kiska Sub-he Shabe Wiladat


    Jalwa Hai Haq Ka Jalwa Sub-he Shabe Wiladat
    Saaya Khuda Ka Saaya Sub-he Shabe Wiladat


    Fasle Bahaar Aayi Shakle Nigaar Aayi
    Gulzar Hai Zamana Sub-he Shabe Wiladat


    Phoolo Se Baagh Mehke, Shakho Pe Murg Chehke
    Ahde Bahar Aaya Sub-he Shabe Wiladat


    Dil Jag-Maga Rahe Hai, Qismat Chamak Uthi Hai
    Faila Naya Ujala Sub-he Shabe Wiladat


    Aayi Nayi Hukumat Sikka Naya Chalega
    Aalam Ne Rang Badla Sub-he Shabe Wiladat


    Ruhul Amee(n) Ne Gaada Kaabe Ki Chat Pe Jhanda
    Ta-Arsh Uda Pharera Sub-he Shabe Wiladat


    Padhte Hai Arsh Waale, Sunte Hai Farsh Waale
    Sultane Nou Ka Khutba Sub-he Shabe Wiladat


    Din Fir Gaye Hamare, Sote Naseeb Jaage
    Khursheed Hi Wo Chamka Sub-he Shabe Wiladat


    Pyare Rabi-Ul Awwal, Teri Jhalak Ke Sadqe
    Chamka Diya Naseeba Sub-he Shabe Wiladat


    Noushah Banau Unko, Dulha Banau Unko
    Hai Arsh Tak Ye Shohra Sub-he Shabe Wiladat


    Shadi Rachi Hui Hai, Bajte Hai Shadiyane
    Dulha Bana Wo Dulha Sub-he Shabe Wiladat


    Hushiyar Ho Bhikari, Nazdeek Hai Suvaari
    Na Keh Raha Hai Danka Sub-he Shabe Wiladat


    Aamad Ka Shor Sunkar, Ghar Aate Hai Bhikari
    Ghere Khade Hai Rasta Sub-he Shabe Wiladat


    Har Jaan Muntazir Hai, Har Deed Rah-Nigaar Hai
    Gouga Hai Marhaba Ka Sub-he Shabe Wiladat


    Teri Chamak Damak Se Aalam Chamak Raha Hai
    Mere Bhi Bakht Chamka Sub-he Shabe Wiladat


    Baata Hai Do Jaha(n) Me Tune Ziya Ka Baada
    De De Hasan Ka Hissa Sub-he Shabe Wiladat