Xantel

Blog

  • Main lab kusha nahi hoon aur mehwe ilteja hu

    Main lab kusha nahi hoon aur mehwe ilteja hu
    main mehfil e haram ke aadaab jaanta hu

    Koi to aankh waala guzrega is taraf se
    Taibah ke raaste me main muntazir khada hu

    Ye roshni si kya hai, khushboo kahan se aayi
    shayad main chalte chalte ROUZE tak aa gaya hu

    Taibah ke sab bhikari pehchante hai mujhko
    mujhko khabar nahi thi main is kadar bada hu

    Doori o haazri mein ek baat mushtarak hai
    kuch khwaab dekhta tha kuch khwaab dekhta hu

    Iqbaal mujhko ab bhi mehsus ho raha hai
    ke ROUZE ke saamne hu aur naat padh raha hu

  • Sarkaare Ghaus E A’zam, Nazre Karam Khudaara

    Sarkaare Ghaus E A’zam, Nazre Karam Khudaara 
    Mera Khaali Kaasa Bhar Do, May Faqir Hu Tumhara 

    Maula Ali Ka Sadqa, Gange Shakar Ka Sadqa
    Meri Laaj Rakhna Mira, May Faqir Hu Tumhara 

    Mira Bane Hai Dulha, Shaadi Rachi Hui Hai 
    Sab Auliya Baraati, Kya Khoob Hai Nazara 

    Jholi Ko Meri Bhardo, Warna Kahegi Duniya
    Aise Sakhee Ka Mangta, Phirta Hai Maara, Maara 

    Duniya Mei Sab Ka Koi, Koi To Aasra Hai 
    Mera Bajuz Tumhaare, Koi Nahi Sahaara 

    Yeh Adaa E Dastgiri, Koi Mere Dil Se Puche
    Wahi Aa Gaye Madad Ko, Maine Jab Jahaa Pukaara 

    Yeh Tera Karam Hai Ya Ghous, Jo Bana Liya Hai Apna 
    Kahaa Mujhsa Ye Kameena, Kaha Silsila Tumhara

  • Bekhud kiye dete hain andaaz e hijabana

    Bekhud kiye dete hain andaaz e hijabana
    Aa dil main tujhay rakhloon aie jalwa e janana.


    Kyu aankh milayi thi, kyoon aag lagayi thee
    Aab rukh ko chupa baithay kar kay mujhay deewana.


    Zahid meri kismat mein sajday hain usi dar kay
    Chuta hai na chuthay ga sange dar e janana.


    Kiya lutf ho mehshar mein main shikway kiye jaoon
    Woh haskay kahay jayein deewana hai dewana.


    Saaki teray aatay hee yeh josh hai masti ka
    Sheshay pay gira sheesha pemanay paymana.


    Maloom nahin baydam mein kon houn aur kiya hoon
    Youn apnoon main apna houn baiganoon mein baygana.

  • Manqabat e taaj ush shariyath

    Peer-e-bar’haq murshid-e-zeeshan hain AKHTAR RAZA
    AHL-E-SUNNAT ki akele jaan hain AKHTAR RAZA!


    Mufti-e-azam k khwabo’n ki haseen tabir hai
    Bul’hussain-o-ahmedi faizan hai AKHTAR RAZA


    Hai zamane mei musalla unki ilmi shaksiyath
    Najdiyo’n k waastay chattan hai AKHTAR RAZA


    Haat ay ulfat mera hai AZHARI k haat mei
    Meri baqshish ka haseen samaan hai AKHTAR RAZA!

  • Rashke Qamar Hu Range Rukhe Aftaab Hu (complete)

    Rashke Qamar Hu Range Rukhe Aftaab Hu
    Zarra Tera Jo Ay Shahe Gardu Janaab Hu


    Durre Najaf Hu Gohare Paak E Khushab Hu
    Yani Turaabe Rah guzare Bu turab Hu


    Gar Aankh Hu To Abr Ki Chashme Par Aab Hu
    Dil Hu To Bark Ka Dile Pur Izteraab Hu


    Khooni Jigar Hu Ta-ir E Be Aashiya(n) Shaha
    Range Pardi-E Rukhe Ghul Ka Jawab hu


    Be Aslo Be Sabaat Hu Bahre Karam Madad
    Parwarda E Kinaare Saraabo Hubaab Hu


    Ibrat Feza Hai Sharme Gunah Se Mera Sukut
    Goya Lab E Khamoshe Lahad Ka Jawab Hu


    Kyo Naala Soz Le Karu Kyu Khoon E Dil Piyu
    Seekh E Kabaab Hu Na Mai Jaame Sharab Hu


    Dil Basta Bekaraar Jigar Chaak Ashkbaar
    Guncha Hu Ghul Hu Barke Tapaa(n) Hu Sahaab Hu


    Daava Hai Sabse Teri Shafa’at Pe Beshtar
    Daftar Me Aasiyo Ke Shahe Intekhab Hu


    Maula Duha-i Nazro Se Gir Kar jalaa Ghulam
    Ashqe Mizaa(n) Raseeda-E Chashme Kabaab Hu


    Mitt Jaye Ye Khudi To Wo Jalwa Kaha Nahi
    Darda Me Aap Apni Nazar Ka Hijaab Hu


    Sadke Hu Uspe Naar Se Dega Jo Mukhlesi
    Bulbul Nahi Ki Aatishe Ghul Par Kabaab Hu


    Kaalib Tahi Kiye Hamaa Aaghosh Hai Hilaal
    Ay ShehSuware Taibah Me Teri Rikaab Hu


    Kya Kya Hai Tujhse Naaz Tere Qasr Ko Ki Mai
    Ka’abe Ki Jaan Arshe Baree Ka Jawaab Hu


    Shaha Bujhe Sakar Mere Ashko Se Taa-n Mai
    Aabe Ab(a)s Chakida E Chashme Kabaab Hu


    Mai To Kaha Hi Chahu Ke Banda Hu Shah Ka
    Par Luft Jab Hai Keh De Agar Wo Janab “Hu”


    Hasrat Me Khaaq Bosi E Taibah Ki Ay Raza
    Tapka Jo Chashme Mehar Se Wo Khoon E Naab Hu

    Audio Credit: owaisqadri.com

  • Salle Ala Nabi Ye Na Sale Ala Mohammadin

    Salle ala nabi ye na sale ala Mohammadin
    Salle ala shafiye na sale ala Mohammadin
    Ham bhi Madine jaye gei ajj nahi to kal sahi
    Aqa hamme bulaye gei ajj nahi to kal sahi
    Galiyoun mein ghum ghum kar Khakhe Madina chum kar
    Nazroun se ham lagaye gei aaj nahi to kal sahi
    Dekha jo Un ko baanethe main ne bhi bar ke shouk se
    Daste ata ke samne daste talab barha diya
    Aamade Mustafa hoyi roshan zamana ho geya
    Jin ke Huzoor ho geye un ka zamana ho geya
    Haal dil sunayein gei aaj nahi to kal sahi
    Bighri apni banaye gei aaj nahi to kal sahi

  • Arsh Ki Aql Dang Hai Charkh Pe Asmaan Hai

    Arsh Ki Aql Dang Hai Charkh Pe Asmaan Hai
    Jane Muraad Ab Kidhar Haye Tera Makaan Hai

    Bazme Sana E Zulf Me Meri Aruse Fikr Ko
    Saari Bahaar E Hasht Khuld Chota Sa Itrdaan Hai

    Arsh Pe Jaake Murge Aql Thak Ke Gira Gash Aa Gaya
    Aur Abhi Manzilo Pare Pehla Hi Aastan Hai


    Arsh Pe Taaja Cher Char Farsh Pe Turfa Dhoom Dhaam
    Kaan Jidhar Lagaiye Teri Hi Daastaan Hai


    Ik Tere Rukh Ki Roushni Chain Hai Do Jahan Ki
    Ins Ka Uns Usi Se Hai Jaan Ki Wo Hi Jaan Hai

    Wo Jo Na The To Kuch Na Tha Wo Jo Na Ho To Kuch Na Ho
    Jaan Hai Wo Jahan Ki Jaan Hai To Jahan Hai

    Ghod Me Aalam E Shabab Haal e Shabaab Kuch Na Pooch
    Ghulbune Baagh E Noor Ki Aur Hi Kuch Uthan Hai


    Tujhsa Siyahkaar Kaun Unsa Shafe’a Hai Kaha
    Phir Wo Tujhi Ko Bhool Jaye Dil Ye Tera Ghuman Hai


    Peshe Nazar Wo Nou Bahaar Sajde Ko Dil Hai Bekaraar
    Rokiye Sar Ko Rokiye Ha Yahi Imtehaan Hai


    Shaan E Khuda Na Saath De Unke Kheram Ka Wo Baaz
    Sidra Se Ta Zamee Jise Narm Si Ek Udaan Hai


    Baare Jalaal Utha Liya Garche Kaleja Shak Hua
    Yu To Ye Maahe Sabz Rang Nazro Me Dhaan Pan Hai


    Khauf Na Rakh Raza Zara Tu To Hai Abad E Mustafa
    Tere Liye Amaan Hai Tere Liye Amaan Hai

  • Chamak Tujhse Paate Hain Sab Paane Waale

    Chamak Tujhse Paate Hain Sab Paane Waale
    Mera Dil Bhi Chamka De Chamkane Waale


    Barasta Nahi Dekh Kar Abr E Rehmat
    Badoo(n) Par Bhi Barsa De Barsane Waale


    Madine Ke Khitte Khuda Tujhko Rakhhe
    Ghareebo Faqeero Ke Thehrane Waale


    Tu Zinda Hai WALLAH Tu Zinda Hai WALLAH
    Mere Chashme Aalam Se Chup Jaane Waale


    Me Mujrim Hu AAQA Mujhe Saath Le Lo
    Ke Raste Me Hai Jaa Baja Thane Waale

    Haram Ki Zamee(n) Aur Qadam Rakh Ke Chalna
    Are Sar Ka Mouqa Hai O Jaane Waale


    Chal Uth Zabah Farsa Ho Saaki Ke Dar Par
    Dar E Jood Hai Mere Mastane Waale


    Tera Khaye Tere Ghulamo Se Uljhe
    Hai Munkir Ajab Khaane Gurrane Waale


    Rahega Yu Hi Unka Charcha Rahega
    Pade Khaaq Ho Jaye Jal Jaane Waale

    Ab Aayi Shafa’at Ki Sa’at Ab Aayi
    Zara Chain Le Mere Ghabhrane Waale

    Raza Nafs Dushman Hai Dumme Na Aana
    Kaha Tumne Dekhe Hai Chandrane Waale

  • Kaabe ke rounaq Kaabe ka manzar

    Kaabe ke rawnaq Kaabe ka manzar
    Allahu Akbar Allahu Akbar
    Dekhon tu dekhe jaon barabar
    Allahu Akbar Allahu Akbar


    Hamd-e-Khuda say tar hein zubaane
     kaano mein russ gholtee hein Azaane
    Bas ik sadaa aarahi he baraabar


    Tere haram ki kya baat Mawla 
    tere karam ki kya baat Mawla
    Ta umar karde aana muqaddar


    Maangi hein mein ne jitnee duae
    manzoor hongi maqbool hongi
    Meezab-e-Rehmat he mere sar par


    Yaad agaye jab apni khataye 
    ashkon mein dhalne lagee iltijaye
    Roya ghilaaf-e-Kaaba pakar kar


    Bheja he Jannat se tujhko Khuda ne 
    chuuma he tujhko khud Mustafa ne
    Ay sung-e-Aswad tera muqqadar


    Mawla sabhi aur kya chahta he 
    bas maghfirat ki ataa chahta he
    Bakhshish ke talib pe apna karam kar

  • Ay saba Mustafa se kehdena gham ke maare salam kehte hein,

    Ay saba Mustafa se kehdena gham ke maare salam kehte hein,
    Yaad karta hein tum ko sham-o-sahar, dil hamare salam kehte hein,


    Allah Allah Huzur ki baatein, marhaba Rung-o-Noor ki baatein,
    Chand jinki balaye leta hai, aur taare salam kehte hein,


    Jab Muhammad ka naam aata he, rahmaton ka payaam aata he,
    Lab hamare Durood parte hein, dil hamare salam kehte hein,


    Allah Allah Huzur ki ghesu, bheeni bheeni mahekti woh khushbu,
    Jin se maamur he fiza he so, wo nazaare salam kehte hein,


    Zaire Taiba tu Madine mein, pyaare Aaqa se itna kehdena,
    Aap ki gard-e-raah ko Aaqa, ghum ke maare salam kehte hein,


    Zikr tha aakhiri mahine ka, tazkira chird gaya Madine ka,
    Haajiyo Mustafa se kehdena gham ke maare salam kehte hein,

    Audio Credit: owaisqadri.com