Xantel

Blog

  • Rukh Din Hai Ya Mehre Samaa, Ye Bhi Nahi Wo Bhi Nahi

    Rukh Din Hai Ya Mehre Samaa, Ye Bhi Nahi Wo Bhi Nahi
    Shab Zulf Ya Mushke Khuta, Ye Bhi Nahi Wo Bhi Nahi

    Mumkin Me Ye Qudrat Kaha, Waajib Me Abdiyat Kaha
    Haira(n) Hu Ye Bhi Hai Khata, Ye Bhi Nahi Wo Bhi Nahi

    Haq Ye Ki Hai Abde Ilah Aur Aalam E Imkaa(n) Ke Shah
    Barzakh Hai Wo Sirre Khuda, Ye Bhi Nahi Wo Bhi Nahi

    Bulbul Ne Ghul Unko Kaha, Kumree Ne Sarve Jaanfiza
    Hairat Ne Jhunjhla Kar Kaha Ye Bhi Nahi Wo Bhi Nahi

    Khursheed Tha Kis Zour Par Kya Badh Ke Chamka Tha Qamar
    Be-Parda Jab Wo Rukh Hua Ye Bhi Nahi Wo Bhi Nahi

    Dar Tha Ki Isyaa(n) Ki Saza Ab Hogi Ya Rouze Jaza
    Dee Unki Rehmat Ne Sadaa Ye Bhi Nahi Wo Bhi Nahi

    Koyi Hai Naazo Zuhad Par Ya Husne Tauba Hai Sipar
    Yaa(n) Hai Faqat Teri Ataa Ye Bhi Nahi Wo Bhi Nahi

    Din Lahv Me Khona Tujhe, Shab Subha Tak Sona Tujhe
    Sharme Nabi Khaufe Khuda Ye Bhi Nahi Wo Bhi Nahi

    Rizq E Khuda Khaya Kiya, Farmaan E Haq Taala Kiya
    Shukre Karam Tarse Saza Ye Bhi Nahi Wo Bhi Nahi

    Hai Bulbule Rangi Raza Ya Tutiye Nagma Saraa
    Haq Yeh Ki Wasif Hai Tera Ye Bhi Nahi Wo Bhi Nahi

    Audio Credits: owaisqadri.com

  • Hum Khaak Hai Aur Khaaq Hi Mava Hai Hamara

    Hum Khaak Hai Aur Khaaq Hi Mava Hai Hamara
    Khaaki To Wo Aadam Jad E Aala Hai Hamara

    ALLAH Humein Khaak Kare Apni Talab Me
    Yeh Khaaq To Sarkaar Se Tamgha Hai Hamara

    Jis Khaaq Pe Rakhte The Qadam Sayyide A’alam
    Us Khaaq Pe Qurbaa(n) Dil E Shaida Hai Hamara

    Kham Ho Gayi Pushte Falak Iss Ta’ane Zamee(n) Se
    Sunn Hum Pe Madina Hai Wo Rutba Hai Hamara

    Usne Laqab E Khaaq Shahenshah Se Paaya
    Jo Haider E Karrar Ki Maula Hai Hamara

    Ay Mudda’eyo! Khaak Ko Tum Khaak Na Samjhe
    Iss Khaak Me Madfu(n) Shahe Bat-ha Hai Hamara

    Hai Khaak Se Ta’ameer Mazaar E Shahe Qounain
    Ma’mur Isi Khaak Se Kibla Hai Hamara

    Hum Khaak Udayenge Jo Wo Khaak Na Paayi
    Aabad Raza Jis Pe Madina Hai Hamara

  • Ahle Siraat Ruhe Amee(n) Ko Khabar Kare(n)

    Ahle Siraat Ruhe Amee(n) Ko Khabar Kare(n)
    Jaati Hai Ummate Nabavi Farsh Parr Kare(n)

    Inn Fitanhaye Hashr Se Kahdo Hazar Kare(n)
    Naazo Ke Paale Aate Hai Rah Se Guzar Kare(n)

    Badd Hai To Aapke Hai Bhale Hai To Aapke
    Tukdo Se To Yaha(n) Ke Pale Rukh Kidhar Kare(n)

    Sarkaar Hum Kameeno Ke Atvaar Par Na Jaye
    Aaqa Huzoor Apne Karam Par Nazar Kare(n)

    Unki Haram Ke Khaar Kashida Hai Kis Liye
    Aankho Me Aaye Sar Pe Rahe Dil Me Ghar Kare(n)

    Jaalo Pe Jaal Padd Gaye Lillah Waqt Hai
    Mushkil Kushayi Aap ke Nakhun Agar Kare(n)

    Manzil Kadee Hai Shane Tabassum Karam Kare
    Taaro(n) Ki Chaanv Noor Ke Tadke Safar Kare(n)

    Kilke Raza Hai Khanjare Khu-Khwar Barq-baar
    A’ada Se Kehdo Khair Manaye Na Shar Kare(n)


    Audio Credit: owaisqadri.com

  • Poochte Kya Ho Arsh Par Yu’n Gaye Mustafa Ke Yu’n


    Poochte Kya Ho Arsh Par Yu’n Gaye Mustafa Ke Yu’n
    Kaif Ke Parr Jaha’n  Jale Koyi Bataye Kya Ke Yu’n

    Qasre D(a)na Ke Raaz Me Aqle To Gum Hai Jaisi Hai
    Ruhe Qudus Se Poochiye Tum Ne Bhi Kuch Suna Ke Yu’n

    Maine Kaha Ki Jalwa E Asl Me Kis Tarah Gume
    Subha Ne Noore Mehr Me Mitt Ke Dikha Diya Ke Yu’n

    Haaye Re Zouq E Bekhudi Dil Jo Sambhalne Sa Laga
    Chak Ke Mahak Me Phool Ki Gir ne Lagi Sabaa Ke Yu’n

    Dil Ko De Nooro Daaghe Ishq Phir Mai Fida Do Neem Kar
    Maana Hai Sun Ke Shaqqe Maah Aankho Se Ab Dikha Ke Yu’n

    Dil Ko Hai Fikr Kis Tarah Murde Jhilate Hai Huzoor
    Ay Mai Fida Laga Kar Ek Thokar Use Bataa Ke Yu’n

    Baagh Me Shukre Wasl Tha Hijr Me Haay Haay Ghul
    Kaam Hai Unke Zikr Se Khair Wo Yu’n Hua Ke Yu’n

    Jo Kahe She’aro Paase Shar’a Dono Ka Husn Kyu’n Kar Aaye
    La Use Paishe Jalwa E Zam Zame Raza Ke Yu’n

  • Rounaq E Bazme Jahaan Hai Aashiqane Sokhta

    Rounaq E Bazme Jahaan Hai Aashiqane Sokhta
    Keh Rahi Hai Shamma Ki Goya Zabaan E Sokhta

    Jisko Kurse Mehr Samjha Hai Jahaa(n) Ay Mun-emo
    Unke Khwane Jood Se Hai Ek Naan E Sokhta

    Maahe Mann Hai Nayyar E Mehshar Ki Garmi Ta-Bakey
    Aatish E Isyaa(n) Me Khud Jalti Hai Jaan E Sokhta

    Barke Angushte Nabi Chamakti Thi Uss Par Ek Baar
    Aaj Tak Hai Seena E Mah Me Nishaan E Sokhta

    Mehre Aalam Taab Jhukta Hai Paye Tasleem Roz
    Peshe Zarrate Mazaar E Be-Dilaane Sokhta

    Kucha E Ghesu E Jaana Se Chale Thandi Naseem
    Baalo Par Afsha Ho Ya Rab Bulbulane Sokhta

    Bahre Haq Ay Bahre Rehmat Ik Nigah E Lutfbaar
    Ta-ba-Key Be Aab Tadpe Mahiyane Sokhta

    Ru-Kshe Khursheede Mehshar Ho Tumhare Faiz Se
    Is Sharare Seena e Shaidayi-aane Sokhta

    Aatishe Tar Daamani Ne Dil Kiye Kya Kya Kabaab
    Khizr Ki Jaa(n) Ho Jila Do Mahiyane Sokhta

    Aatish E Gulha E Taibah Par Jalane Ke Liye
    Jaan Ke Taalib Hai Pyare Bulbulane Sokhta

    Lutf E Barke Jalwa E Mearaj Laaya Wajd Me
    Shola E Zavvaala Sa(n) Hai Aasman E Sokhta

    Ay Raza Mazmoon Soze Dil Ki Rif’at Ne Kiya
    IS Zameen E Sokhta Ko Aasmaan E Sokhta

  • Khila Mere Dil Ki Gali Ghous E Aazam

    Khila Mere Dil Ki Gali Ghous E Aazam
    Mita Qalb Ki Be Kali Ghous E Aazam

    Mere Chand Mai Sadqe Aaja Idhar Bhi
    Chamak Uthhe Dil Ki Gali Ghous E Aazam

    Tere Rab Ne Maalik Kiya Tere Jad Ko
    Tere Ghar Se Duniya Pali Ghous E Aazam

    Wo Hai Kaun Aisa Nahi Jisne Paaya
    Tere Darr Pe Duniya Dhali Ghous E Aazam

    Kaha Jisne Ya Ghous Aghisni To Damm Me
    Bar-Aayi Musibat Tali Ghous E Aazam

    Nahi Koi Bhi Aisa Fariyadi Aaqa
    Khabar Jiski Tumne Na Li Ghous E Aazam

    Meri Rouzi Mujhko Ataa Kar De Aaqa
    Tere Darr Se Duniya Ne Li Ghous E Aazam

    Na Maangu Me Tujhse To Fir Kis Se Maangu
    Kahi Aur Bhi Hai Chali Ghous E Aazam

    Sadaa Gar Yaha Mai Na Du To Kaha Du
    Koi Aur Bhi Hai Gali Ghous E Aazam

    Jo Qismat Ho Meri Buri Achhi Kar De
    Jo A’adat Ho Badd Kar Bhali Ghous E Aazam

    Tera Martaba A’ala Kyo Ho Na Maula
    Tu Hai Ibn E Maula Ali Ghous E Aazam

    Qadam Gardan E Awliya Par Hai Tera
    Hai Tu Rabb Ka Aisa Wali Ghous E Aazam

    Jo Doobi Thi Kashti Wo Damm Me Nikali
    Tujhe Aisi Qudrat Mili Ghous E Aazam

    Hamara Bhi Beda Laga Do Kinare
    Tumhe Nakhudayi Mili Ghous E Aazam

    Tabahi Se Naav Hamari Bachaa Do
    Hawa E Mukhalif Chali Ghous E Aazam

    Fida Tumpe Ho Jaaye Noori E Muztar
    Ye Hai Uski Khwaish Dili Ghous E Aazam

  • Koyi Kya Jane Jo Tum ho Khuda Hi Jaane Kya Tum Ho

    Koyi Kya Jane Jo Tum ho Khuda Hi Jaane Kya Tum Ho
    Khuda To Keh Nahi Sakte Magar Shaane Khuda Tum Ho

    Tumhara Husn Aisa Hai Ki Mehboob E Khuda Tum Ho
    Mahe Kaamil Kare Kasbe Ziya Wo Mahlika Tum Ho

    Jahan Taarik Tha Saara Andhera Hi Andhera Tha
    Tum Aaye Zulmate tumse Miti Badrudduja Tum Ho

    Shabe Mearaj Se Ay Sayyide kul Ho Gaya Zaahir
    Rasool Hai Muqtadi Saare Imam Ul Ambiya Tum Ho

    tumhare Baad Paida Ho Nabi Koyi Nahi Mumkin
    Nubuvvat Khatam Hai Tum Par Ki Khatmul Ambiya Tum Ho

    Giraftaar E Balaa Hazir Hue Hai Toote Dil Le Kar
    Ki Har Bekal Ki Kal Toote Dilo Ka Aasra Tum Ho

    Khabar Lije Khudara Mere Maula Mujh Se Bekas Ki
    Ki Har Bekas Ke Kas Bebas Ke Bas Roohi Fida Tum Ho

    Chamak Jaaye Dile Noori Tumhare Paak Jalwo Se
    Mita Do Zulmat E Dil Ki Mere Noor Ul Huda Tum Ho

  • Khwaja E Hind Wo Darbaar Hai Aala Tera

    Khwaja E Hind Wo Darbaar Hai Aala Tera
    Kabhi Mehroom Nahi Maangne Waala Tera

    Khuftgane Shabe Ghaflat Ko Jaga Deta Hai
    Saalhasaal Wo Raato Ka Na Sona Tera

    Hai Teri Zaat Ajab Bahre Haqeeqat Pyare
    Kisi Tairaak Ne Paaya Na Kinara Tera

    Gulshan E Hind Se Shadaab Kaleje Thande
    Wah Ay Abre Karam Zor Barasna Tera

    Kya Mahak Hai Ki Mu’attar Hai Dimaag E Aalam
    Takhta E Gulshan E Firdaus Hai Rouza Tera

    Tujhme Hai Tarbiyate Khizr Ke Paida Aasaar
    Bahro Bar Me Hume Milta Hai Sahara Tera

    Zille Haq Ghous Pe Hai Ghous Ka Saaya Tujh Par
    Saaya Gustar Sare Khuddam Pe Saaya Tera

    Tujhko Baghdad Se Haasil Hui Wo Shaan E Rafe’a
    Dang Rah Jaate Hai Sab Dekh Ke Rutba Tera

    Kyo Na Baghdad Me Jaari Ho Tera Chashma E Faiz
    Bahre Baghdad Hi Ki Nahar Hai Dariya Tera

    Jabse Tune Qadme Ghous Liya Hai Sarr Par
    Awliyah Sar Pe Qadam Lete Hai Shaha Tera

    Muhiyyudi(n) Ghous Hai Aur Khwaja Mueenuddi(n) Hai
    Ay Hasan Kyu Na Ho Mehfooz Aqeeda Tera

  • Hum Apni Hasrate Dil Ko Mitane Aaye Hai

    Hum Apni Hasrate Dil Ko Mitane Aaye Hai
    Hum Apni Dil Ki Lagi Ko Bujhane Aaye Hai

    Kareem Hai Wo Nigah E Karam Se Dekhenge
    Hai Daagh-Daagh Dil Apna Dikhane Aaye Hai

    Huzoor Bahre Khuda Daastaan E Ghum Sun Le
    Ghum E Firaaq Ka Kissa Sunane Aaye Hai

    Nigaah E Lutf O Karam Hogi Aur Fir Hogi
    Ki Zakhm E Dil Pe Ye Marham Lagane Aaye Hai

    Faqeer Aapke Darr Ke Hai Hum Kaha Jaye
    Tumhare Kuche Me Dhuni Ramaane Aaye Hai

    Naseeb Jaag Utha Uska Chayn Se Soya
    Wo Jisko Kabr Me Sarwar Sulane Aaye Hai

    Naseeb Tera Chamak Uthha Dekh To Noori
    Arab Ke Chand Lahad Ke Sir-hane Aaye Hai

  • Rusul Unhi Ka To Muzdah sunane Aaye Hai

    Rusul Unhi Ka To Muzdah sunane Aaye Hai
    Unhi Ke Aane Ki Khushiya Manane Aaye Hai

    Firishte Aaj Jo Dhume Machane Aaye Hai
    Unhi Ke Aane Ki Shadi Rachane Aaye Hai

    Falak Ke Hur O Malak Geet Gaane Aaye Hai
    Ki Do Jahan Me Ye Danke Bajane Aaye Hai

    Ye Bhoole Bichdo Ko Raste Pe Laane Aaye Hai
    Ye Bhoole Bhatko Ko Hadi Banane Aaye Hai

    Chamak Se Apni Jahan Jagmagane Aaye Hai
    Mahak Se Apni Ye Kunche Basane Aaye Hai

    Naseem E Faiz Se Gunche Khilane Aaye Hai
    Karam Ki Apni Bahaare Dikhane Aaye Hai

    Yahi To Sote Huwo Ko Jagane Aaye Hai
    Yahi To Rote Huwo Ko Hasane Aaye Hai

    Unhe Khuda Ne Kiya Apne Milk Ka Maalik
    Unhi Ke Qabze Me Rabb Ke Khazane Aaye Hai

    Jo Chahenge Jise Chahenge Ye Use Denge
    Kareem Hai Ye Khazane Lutane Aaye Hai

    Rauf Aise Hai Ye Aur Raheem Hai Itne
    Ki Girte Padto Ko Seene Lagane Aaye Hai

    Sunoge “La” Na Zabaan E Kareem Se Noori
    Ye Faiz O Jood Ke Dariya Bahane Aaye Hai