Xantel

Blog

  • Mustafa E Zaat E Yakta Aap Hain (Complete)

    Mustafa E Zaat E Yakta Aap Hain
    Yak Ne Jisko Yak Banaya Aap Hain

    Aabo Gil Mein Noor Ki Pehli Kiran
    Jaane Aadam Jaane Hawwa Aap Hain

    La Makaan Tak Jis Ki Phaili Raushni
    Wo Charaage Aalam Aara Aap Hain

    Hai Namak Jis Ka Khameer E Husn Mein
    Wo Maleehe Husn Aara Aap Hain

    Naazish E Arsho Waqaar E Arshiyaan
    Saahibe Qausain O Adna Aap Hain

    Aap Ki Tal’at Khuda Ka Aaina
    Jis Mein Chamke Haq Ka Jalwa Aap Hain

    Aap Jaisa Koyi Ho Sakta Nahi
    Apni Har Khoobi Mein Tanha Aap Hain

    Aapko Rab Ne Kiya Apna Habeeb
    Saari Khalqat Ka Khulasa Aap Hain

    Aapki Tal’at Ko Dekha Jaan Di
    Qabr Mein Pohcha To Dekha Aap Hain

    Aapki Khatir Banaye Do Jahaan
    Apni Khatir Jo Banaya Aap Hain

    Jaan Tui Jaanam Qaraare Jaan Tui
    Jaane Jaan Jaane Maseeha Aap Hain

    Aapse Khud Aap Ka Saail Hun Main
    Jaane Jaan Meri Tamanna Aap Hain

    Bar Darat Aamad Gada Behre Suwaal
    Ho Bhala Akhtar Ka Daata Aap Hain

    Sallallahu Alaihe Wasallam


  • Kankar Se Kalma Padhwao Phir Kehna Hum Jaise The

    Kankar Se Kalma Padhwao Phir Kehna Hum Jaise The
    Doobey Suraj Ko Lautao Phir Kehna Hum Jaise The

    Tum Bhi Zara Meraj Ko Jao Phir Kehna Hum Jaise The
    Jao Namaze Lekar Aao Phir Kehna Hum Jaise The

    Lohe Se Talwar Banana Aam Hai Duniya Main Lekin
    Tehni Ko Talwar Banao Phir Kehna Hum Jaise The

    Peshani Par Daagh Banana Koi Mushkil Kaam Nahi
    Nakshe Qadam Pathar Par Banao Phir Kehna Hum Jaise The

    Bamo Daro Dewar Salami Dene Lage Kuch Aisa Karo
    Ped Ko Apne Paas Bulao Phir Kehna Hum Jaise The

    Uper Jaana Neeche Aana Ye To Bashar Ki Taaqat Hai
    Sayr E Jannat Kar Ke Dikhao Phir Kehna Hum Jaise The

    Sarwar E Dee Ki Baat Badi Hai Chodon In Sab Baaton Ko
    Unke Ghulamon Se Banjao Phir Kehna Hum Jaise The

    Unki Har Ik Ungli Se Tha Jaari Chasma Ay Kaleem
    Pani Un Pyason Ko Pilao Phir Kehna Hum Jaise The

  • Mere ALLAH Ke Nigaar Salaam

    Mere ALLAH Ke Nigaar Salaam
    Daste Qudrat Ke Shahkaar Salaam
     
    Dono Aalam Ke Taajdaar Salaam
    Jaane Har Jaano Jaandaar Salaam
     
    Khaake Taibah Bane Meri Hasti
    Arz Karta Hai Khaaksaar Salaam
     
    Phir Madine Mein Kab Bulaaoge
    Tum Se Kehta Hai Intizaar Salaam
     
    Mujhe Ko Zaalim Pe Ikhtiyaar Nahee
    Tum To Rakhte Ho Ikhtiyaar Salaam
     
    Khuld Kehti Hai Yeh Madeene Se
    Tujh Pe Ay Khuld Ki Bahaar Salaam
     
    Apni Ulfat Ka Aisa Jaam Pila
    Jiska Barhta Rahe Khumaar Salaam
     
    Dard E Ulfat Mein De Mazaa Aisa
    Dil Na Paaye Kabhi Qaraar Salaam
     
    Teri Khaatir Zaleel Hona Hai
    Meri Izzat Mere Waqaar Salaam
     
    Apne Akhtar Ka Lo Salaam Shaha
    Tum Pe Ay Jaan Ay Qaraar Salaam!!!

  • Abr e Karam Gesoo e Muhammad

    Abr e Karam Gesoo E Muhammad
    Donu Haram Abroo E Muhammad

    Sab ki Nazar hay Soo E Ka’bah
    Ka’bah takay hay Roo E Muhammad

    Ka’bay ko kis ne banaya Qiblah
    Ka’bay ka Ka’bah Roo E Muhammad

    Sajda E Sar hay Soo E Ka’bah
    Sajda-e-Dil hay Soo E Muhammad

    Saaray Chaman mein kis ki Khushboo
    Khushboo hay Khushboo E Muhammad

    Kis ki Chamak hay Paykar E Gul mein
    Gul mein Khila hay Roo E Muhammad

    Dhaaray chalay har Ungli se Unki
    Dekho wo Nikli Joo E Muhammad

    Sab se Anokha Moo E Muhammad
    Sab se Niraali Koo E Muhammad

    Kis ka Moo deta hay Gawahi
    Moo E Muhammad Moo E Muhammad

    Zinda hay Wallah Zinda hay Wallah
    Jaan E Do Aalam Roo E Muhammad 

    Rashk E Tayba kia hay dikhaun?
    Dekho Qad E Dil Joo E Muhammad

    Bheeni Bheeni Khushboo Lahki
    Khul gaey jab Gesoo E Muhammad

    ye raah Mahki woh raah mahki
    Khul gaey jab Gesoo E Muhammad

    Akhtar E Khasta Chal de Jinaan ko
    Baag E Jinaan hay Koo E Muhammad

  • Farishtay Jis Kay Zaa’ir Hain Madinay Main Woh Turbat Hay

    Farishtay Jis Kay Zaa’ir Hain Madinay Main Woh Turbat Hay
    Yeh Woh Turbat Hay Ji Ko `Arsh e A`zam Pur Fazeelat Hay!


    The destination of the angels is the shrine in Medina,
    Ranking higher than the Great Throne, is this shrine in Medina!


    Bhala dasht e Madinah say chaman ko koi nisbat hai;
    Madinay ki fazaa rashk e bahaar e baagh e jannat hai.

    Can the gardens even compare with the plains of Medina?
    The bloom of Paradise envies the air of Medina!

    Madinah gar salamat hay to phir sab kuch salamat hai;
    Khuda rakhay Madinay ko, issi ka damm ghaneemat hai..

    Guaranteed is the safety of all, upon the safety of Medina,
    May Allah preserve the city, sufficient for us is Medina!

    Madinah aisa gulshan hai jo har gulshan ki zeenat hai;
    bahaar e baagh e jannat bhi Madinay ki ba-dawlat hai..

    The beauty of every garden is the garden of Medina,
    The blossoms of Paradise too, are due to Medina!

    Madinah chor kar sayr e jinaa(n) ki kya zaroorat hai;
    yeh jannat say bhi behter hai yeh jeete jee ki jannat hai.

    What is the need to roam in Paradise, leaving Medina?
    A living Paradise, nay better than Paradise is Medina!

    Humee(n) kya Haqq ta’aala ko Madinay say muhabbat hai;
    Madinay say muhabbat un say ulfat ki `alaamat hai!

    Not just we, even the truthful Lord loves Medina,
    A sign of love for the beloved, is the love of Medina!

    Ilahi!! Woh Madinay Kaisi Basti Hay Dikhaa-Dayna;
    Jahaa(n) Rahmat Barasti Hay Jahaa(n) Rahmat Hi Rahmat Hay..

    What does the city look like? O Lord, show us Medina!
    Where it rains mercy upon mercy, the city of mercy Medina!



    Madinah Chor Kar Jannat Ki Khushboo Mil Nahi(n) Sakti;
    Madinay Say Mahabbat Hay To Jannat Ki Zamanat Hay.

    Lost is the aroma of Paradise, if you abandon Medina,
    Gained is Paradise itself, if you have love for Medina!



    Zamee(n) Pur Woh Muhammad Hain, Woh Ahmad Asmaano(n) Main;
    Yahaa(n) Bhi Un Ka Charcha Hay – Wahaa(n) Bhi Un Ki MidHat Hay..

    He is Mohammad on earth, and Ahmed in the skies,
    Praised in both the worlds, is the master of Medina!



    Yahaa(n) Bhi Un Ki Chalti Hay, Wahan Bhi Un Ki Chalti Hay;
    Madinah Raajdhaani Hay Do `Aaalam Pur Hukoomat Hay!

    He reigns in this world, and is obeyed even in the heavens,
    He governs both the worlds, the capital is Medina!



    Ghazab Hi Kardiya AKHTAR, Madinay Say Chalay Aa’aey;
    Yeh Woh Jannat Hay Jis Ki `Arsh Waalo(n) Ko Bhi Hasrat Hay.

    You wronged yourself, O Akhtar, why did you leave Medina?
    Even the angels long for it- such is the Paradise called Medina!

    Madinah Chor Kar Akhtar Bhala Kyu(n) Jaa’ayn Jannat Ko?
    Yeh Jannat Kya Har Ik Ni`mat Madinay Ki Ba-Dawlat Hay.

    So why should you, O Akhtar, go to Paradise leaving Medina?
    For all the bestowals, not just Paradise, are due to Medina!

    English Translation By : Aqib alQadri

  • Fauze Ghum Ki Baraa Bar Chadhayi Hai

    Fauze Ghum Ki Baraa Bar Chadhayi Hai
    Dafa E Ghum Tumhari Duhayi Hai

    Umr Khelo(n) Me Humne Gawayi Hai
    Umr Bhar Ki Yahi To Kamayi Hai

    Tumne Kab Aankh Humko Dikhayi Hai
    Tumne Kab Aankh Humse Firayi Hai

    Tu Khuda Ka Huwa Aur Khuda Tera
    Tere Qabze Me Saari Khudayi Hai

    Jab Khuda Khud Tumhara Huwa To Fir
    Kaun Si Cheez Hai Jo Parayi Hai

    Ambiya(n) Ko Rasaayi Mili Tum Tak
    Bass Tumhari Khuda Tak Rasaayi Hai

    Mera Beda Kinare Lage Pyare
    Nuuh Ki Naa(n)v Kisne Tirayi Hai

    Aagh Ko Baagh Kisne Kiya Pyare
    Tum Ne Tumne Hi Qudrat Ye Paayi Hai

    Kaash Wo Hashr Ke Din Kahe Mujhse
    Naare Douzakh Se Tujhko Rihaayi Hai

    Taybah Jau Waha Se Na Wapas Aau
    Mere Jee Me To Abb Ye Samayi Hai

    Shouqe Deedaar E Noori Me Ay Noori
    Rukh Kheench Kar Abb Aankhon Me Aayi Hai

  • Munawwar Meri Aankho Ko Mere Shamshudduha Kar De

    Munawwar Meri Aankho Ko Mere Shamshudduha Kar De
    Ghamo Ko Dhoop Me Wo Saayae Zulfe Dota Kar De

    Jahaan Bani Ataa Kar De Bhari Jannat Hiba Kar De
    Nabi Mukhtare Qul Hai Jiss Ko Jo Chahe Ataa Kar De

    Jahan Me Unki Chalti Hai Wo Dam-me Kya Se Kya Kar De
    Jameen Ko Aasmaa Kar De Suraiya Ko Sara Kar De

    Fazaa Me Udne Waale Yu Na Itraye Nida Kar De
    Wo Jab Chahe Jise Chahe Usme Farma Rawa Kar De

    Meri Mushkil Ko Yu Aasaa Mere Muskil Kusha Kar De
    Har Aik Mauje Balaa Ko Mere Maula Nakhuda Kar De

    Ataa Ho Bekhudi Mujhko Khudi Meri Hawa Kar De
    Mujhe Yu Apni Ulfat Me Mere Maula Fanaa Kar De

    Jahaan Me Aam Paighame Shahe Ahmad Raza Kar De
    Palat Kar Peeche Dekhe Fir Se Tajdeede Wafa Kar De

    Nabi Se Jo Ho Begana Use Dil Se Juda Kar De
    Pidar Madar Biradar Maalo Jaan Un Par Fida Kar De


    Kisi ko Wo Hasaate Hain Kisi Ko Wo Rulaate Hain
    Wo Yu Hi Aazmate Hain Wo Ab To Faisla Kar De

    Gile Taibah Me Mil Jau Gulome Milke Khiljau
    Hayaate Jaavedaani Se Mujhe Yu Aashna Kar De

    Mujhe Kya Fikr Ho Akhtar Mere Yaawar Hain Wo Yaawar
    Balao Ko Meri Jo Khud Giraftare Balaa Kar De

    LISTEN ONLINE Audio Credit: owaisqadri.com

  • Bheeni Suhani Sub’h Mei Thandak Jigar Ki Hai

    Bheeni Suhani Sub’h Mei Thandak Jigar Ki Hai
    Kaliyaa(n) Khili Dilo Ki Hawa Ye Kidhar Ki Hai.

    Khubti Huwi Nazar Mei Adaa Kis Sahar  Ki Hai
    Chubhti Huwi Jigar mei Sadaa Kis Gajar Ki Hai.

    Daaley Hari Hari Hai To  Baaley Bhari Bhari
    Kishte Amal Pari Hai Ye Barish Kidhar Ki Hai.

    Hum Jaye Aur Qadam Se Lipat Kar Haram Kahey
    Sounpa  Khuda Ko Ye Azmat Kis Safar Ki Hai.

    Hum Girdey Kaaba Phirte They Kal Tak Aur Aaj Wooh
    Hum Par Nisaar Hai Ye Iradat Kidh’ar Ki Hai.

    Kalik Jabee(n) Ki Sajdaaye Dar Se Chudaavogey
    Mujh Ko Bhi Le Chalo Ye Tamanna Hajar Ki Hai.

    Dooba Huwa Hai Shouq Mei Zam Zam Aur Aankh se
    Jhaale Baras Rahey Hai Ye Hasrat Kidhar Ki Hai.

    Barsa Ke Jaane Walo Pa Ghouhar Karu Nisaar
    Abrey Karam Se Arz Ye Mizaabey Zar Ki Hai.

    Aagooshe Shouq Kholey Hai Jin Ke Liye Hateem
    Woh Phir Ke Dekhte Nahi Ye Dhun Kidhar Ki Hai.

    Haa’n Haa’n Rahey Madina Hai Ghafil Zara Tu Jaag
    Wo Paav Rakhne Waley Ye Jaa Chashmo Sar Ki Hai.

    Waaru Qadam Qadam Pa Kay  Har Dam Hai Jaane Nao
    Ye Raahey Jaa(n) Fiza Mere Moula Ke Dar Ki Hai.

    Ghadiya Gini Hai Barso Ke Ye Shubh Ghadi Phiri
    MarMar Ke Phir Ye Sil Mere Seene Se Sar Ki Hai.

    Allaho Akbar Apne Qadam Aur Ye Khaakey Pak
    Hasrat Malai’ka  Ko Jahaan Waz’ye Sar Ki Hai.

    Mea’raj Ka Sama Hai Kaha Pahonchey Zae’roo
    Kursi Se Onchi Kursi Usi Pak Ghar Ki Hai.

    Ushhaq Rouza Sajdey Mei Suye Haram Jhukey
    Allah Jaanta Hai Ke Niyyat Kidhar Ki Hai.

    Ye Ghar Ye Dar Hai Uska Jo Ghar Dar Se Paak Hai
    Muzhdah Ho Be-Gharo Kay Salaa Achchey Ghar Ki Hai.

    Mehboobe Rabbe Arsh Hai Is Sabz Qubba Mei
    Pahlu Mei Jalwa Gah Ateeqo Umar Ki Hai.

    Chaye Malaika Hai Lagaatar Hai Durood
    Badley Hai Pahrey Badli Mei Barish Durar Ki Hai

    Sa’dayn Ka Qiraan Hai Pahluye Maah Mei
    Jhurmut Kiye Hai Taarey Tajalli Qamar Ki Hai.

    Sattar Hazaar Subh Mei Sattar Hazaar Shaam
    Yun Bandagiye Zulfo Rukh Aatho Pahar Ki Hai.

    Jo Ek Baar Aye Dobara Na Ayenge
    Rukhsat  Hi  Bargah Se Bas Is Qadar Ki Hai.

    Tadpa Karey Badal Ke Phir Aana Kaha Naseeb
    Bey Hukm Kab Majaal  Parinde ko Par ki Hai.

    Ay Waye Beikasiye Tammana Ke Ab Ummeed
    Din Ko Na Shaam Ki Hai Na Shab Ko Sahar Ki Hai

    Ye Badliya(n) Na ho To Karooro(n) ki Aas Jaye
    Aur Bargaahe  Marhamate Aaam Tar Ki Hai.

    Masoom Ko Hai Umr Mei Sirf Ek Bar Bar
    Aasi Padey Rahe To Sila Umr Bhar Ki Hai.

    Zinda Rahe To Haazriye Baargaah Naseeb
    Mar Jaye To Hayaate Abad Aysh Ghar Ki Hai.

    Moflis Aur Aisey Dar Se Phirey Be-Ghani Huve
    Chandi Har Ek Tarah To Yaha Gadiya Gar Ki Hai.

    Jaana Pe Takiya Khaak Nihali Hai Dil Nihaal
    Han Be-Nawa’o Khoob Ye Sorat Guzar Ki Hai.

    Hai Chatro Takht Saya-e Dewaaro Khaake Dar
    Shaho Ko Kab Naseeb Ye Dhaj Karro Far Ki Hai.

    Iss Paak Ku Mei Khaak Ye Basar Sar-Ba-Khaak Hai,
    Samjhe Hai Kuch Yahi Jo Haqiqat Basar Ki Hai.

    Kyo Taajdaaro! Khwaab Mei Dheki Kabi Ye Shai
    Jo Aaj Jholiyo mei  Gadhayaane Dar Ki Hai.

    Jaaru-kasho Mei  Chehre Likhey Hai Mulook Ke
    Wo Bhi Kaha Naseeb Faqat Naam Bhar Ki Hai.

    Taiba Mei Mar Ke Thande Chaley Jaav Aankhey Bandh
    Seedhi Sadak Ye Shahre  Shafa’t Nagar Ki Hai.

    Aasi Bhi Hai Chahitey Ye Taiba Hai Zahido!
    Makka Nahi Ke Jaanch Jaha Khair O Shar Ki Hai.

    Shaane Jamaal Taiba Jana Hai Naf’a Mahaz
    Wus’at Jalale Makka Mei Soodo Zar Ki Hai.

    Kaba Hai Beshak Anjum-Aara Dulhan Magar
    Saari Bahar Dhulhano Mei Dulha Ke Ghar Ki Hai.

    Kaba Dhulhan Hai Turbate At-har Nayi Dulhan
    Ye Rashk E Aftaab Wo Gairat Qamar Ki Hai.

    Dono Bani Sajeeli Aneeli Bani Magar
    Jo Pe’ Ke Paas Hai Wo Suhagan Kun’war Ki Hai.

    Sar Sabze Wasl Ye Hai Siyaa Poshey Hijr Wo
    Chamki Dupatto Se Hai Jo Haalat Jigar Ki Hai.

    Ma Wo Shuma To Kya Ke Khaleel E Jaleel Ko
    Kal Dhekna Ki Unse Tamanna Nazar Ki Hai.

    Apna Sharaf Dua Se Hai Baaki Raha Kabool
    Ye Jaane Unke Haath Mei Kunji Asar Ki Hai.

    Jo Chahey Unse Maang Ki Dono Jahaa’n Ki Khair
    Zar Na-Khareeda Ek Kaneez Unke Ghar Ki Hai.

    Roomi Ghulam Din Habshi Baandiya(n) Shab’e
    Ginti Kaneez Zaado Mei Shaamo Sahar Ki Hai.

    Itna Ajab Bulandiye Jannat Pe Kisliye
    Dekha Nahi Ke Bheek Ye Kis Unchey Ghar Ki Hai.

    Arshe Bari Pe Kyo Na Ho Firdous Ka Dimaagh
    Utri Huvi Shabeeh Tere Baamo Dar Ki Hai.

    Wo Khuld Jismei Utregi Abrar Ki Baraat
    Adna Nichawar Uss Mere Dulha Ke Sar Ki Hai.

    Amber Zamee(n), Abeer Huwa Mushke-Tar Gubaar
    Adna Si Ye Shanaakhat  Teri Rahguzar Ki Hai.

    Sarkaar Hum Gawaro Mei Tarze Adab Kaha
    Humko To Bas Tameez Yahi Bheek Bhar Ki Hai.

    Maangenge Maange Jayenge Muh Maangi Payenge
    Sarkar Mei Na LAA Hai Na Hajat Agar Ki Hai.

    Uff Be-Hayayi’aa Ke Ye Muh Aur Tere Huzoor
    Ha Tu Kareem Hai Teri Khu’ Dar Guzar Ki Hai.

    Tujh Se Chupau Muh To Karu Kiske Saamne 
    Kya Aur Bhi Kisi Se Tawaqqo Nazar Ki Hai.

    Jaavu Kaha Pukaru Kisey Kiska Muh Taku
    Kia Pursish Aur Ja’ Bhi Sagey Be-Hunar Ki Hai.

    Baab E At’a To Ye Hai Jo Bahka Idhar Udhar
    Kaisi Kharaabi Uss Nagharey Dar-Ba-Dar Ki Hai.

    Aabad Ek Dar Hai Tera Aur Tere Siwa
    Jo Baargah Dekhiye Ghairat Khandar ki Hai.

    Lub Wa Hai Aankhey Bandh Hai Phayli Hai Jholiya
    Kitne Maaze Ki Bheek Tere Paak Dar Ki Hai.

    Ghera Andheriyo Ne Duh’ee Hai Chand Ki
    Tanha Hu Kaali Raat Hai Manzil Khatar Ki Hai.

    Kismat Mei Laakh Pech Ho Sau Bal Hazaar Kaj
    Ye Saari Ghutthi Ik Teri Seedhi Nazar Ki Hai.

    Aisi Bandhi Naseeb Khule Mushkiley Khuli
    Dono Jaha Mei Dhoom Tumhari Kamar Ki Hai.

    Jannat Na Dey Na Dey Teri Ruyat Ho Khair Se
    Is Ghul Ke Aagey Kisko Hawas Bargho Bar Ki Hai.

    Sharbat Na Dey Na Dey To Karey Baat Lutf Se
    Ye Shahad Ho To Phir Kise Parwa Shakar Ki Hai.

    Mai khana-Zaad Kohna Hu Surat Likhi Huwi 
    Bando Kaneezo Mei Mere Madar Pedar Ki Hai.

    Mangta Ka Haath Uth-te Hi Daata Ki Dayn Thi
    Doori Qubool O Arz Mei Bas Haath Bhar Ki Hai.

    Sanki Wo Dekh Baad’e Shafat Ki De Hawa
    Ye Aabru Raza Tere Damaan e Tar ki Hai

  • Shukr E Khuda Ki Aaj Ghadi Us Safar Ki Hai

    Shukr E Khuda Ki Aaj Ghadi Us Safar Ki Hai
    Jis Par Nisaar Jaan Falaaho Zafar Ki Hai

    Garmi Hai Tap Hai Dard Hai Kulfat Safar Ki Hai
    Na Shukr Ye To Dekh Azeemat Kidhar Ki Hai

    Kis Khaaqe Paak Ki Tu Banee Khaaqe Pa Shifa
    Tujhko Kasam Janab E Maseeha Ke Sarr Ki Hai

    Aabe Hayaat E Ruh Hai ‘Zarqa’ Ki Boond Boond
    Akseer A’azame Mase Dil Khaaq Darr Ki Hai

    Humko To Apne Saaye Me Aaram Hi Se Laaye
    Heele Bahane Waalo Ko Ye Rah Darr Ki Hai

    Lut-te Hai Maare Jaate Hai Yu Hi Suna Kiye
    Har Baar Di wo Aman Ki Ghairat Hajar Ki Hai

    Wo Dekho Jagmagati Hai Shab Aur Qamar Abhi
    Pahro Nahi Ki Bisto Chahrum Safar Ki Hai

    Maahe Madina Apni Tajalli Ataa Kare
    Ye Dhalti Chandni To Pahar Do Pahar Ki Hai

    Mann Zaar-Turbati Wa-J-Bat Lah Shafa’ati
    Un Par Durood Jinse Naved In Bashar Ki Hai

    Unke Tufail Haj Bhi Khuda Ne Kara Diye
    Asl E Muraad Haazri Uss Paak Darr Ki Hai

    Ka’abe Ka Naam Tak Na Liya Taibah Hi Kaha
    Poocha Tha Humse Jisne Ki Nuhzat Kidhar Ki Hai

    Ka’aba Bhi Hai Unhi Ki Tajalli Ka Ayk Zill
    Roushan Unhi Se Aks Se Putli Hajar Ki Hai

    Hote Kaha Khaleelo Bina Ka’aba Wo Mina
    Lau Laak Wale Sahibe Sab Tere Ghar Ki Hai

    Maula Ali Ne Vaari Teri Neend Par Namaz
    Aur Wo Bhi Asr Sabse Jo A’ala Khatar Ki Hai

    Siddeeq Balki Ghaar Me Jaa(n) Uss Pe De Chuke
    Aur Hifze Jaa(n) To Jaan Furuze Gurar Ki Hai

    Haa(n) Tu Ne Unko Jaan, Unhe Fer Di Namaz
    Par Wah To Kar Chuke The Jo Karni Bashar Ki Hai

    Sabit Hua Ki Jumla Faraiz Furu’a Hai
    Aslul Usool Bandagi Us Taajvar Ki Hai

    Shar Khair, Shor Sur, Sharar Dur, Naar Nur
    Bushra Ki Baargah Ye Khairul Bashar Ki Hai

    Mujrim Bulaye Aaye Hai ‘Jau-k’ Hai Gawah
    Phir Radd Ho Kab Ye Shaan Kareemo Ke Darr Ki Hai

    Badd Hai Magar Unhi Ke Hai Baaghi Nahi Hai Hum
    Najdi Na Aaye Usko Ye Manzil Khatar Ki Hai

    Tuf Najdiyat Na Kufr Na Islam Sab Pe Harf
    Kafir Idhar Ki Hai Na Udhar Ki Adhar Ki Hai

    Haakim Hakeem Daado Dawa De Ye Khuch Na De
    Mardood Ye Muraad Kis Aayat Khabar Ki Hai

    Shakle Bashar Me Noore Ilahi Agar Na Ho
    Kya Kadr Us Khameera E Maao Mad(a)r Ki Hai

    Noore Ilahi Kya Hai Muhabbat Habeeb Ki
    Jis Dil Me Ye Na Ho Wo Jagah Khufo Khar Ki Hai

    Zikre Khuda Jo Unse Juda Chaho Najdiyo
    WALLAH Zikre Haq Nahi Kunji Sakar Ki Hai

    Be Unke Waaste Ke Khuda Kuch Ataa Kare
    Haasha Galat Galat Ye Hawas Be-basar Ki Hai

    Maqsood Ye Hai Aadamo Nuuho Khaleel Se
    Tukhme Karam Me Saari Karamat Samar Ki Hai

    Unki Nubuvvat Unki Ubuvvat Hai Sabko Aam
    Ummul Bashar Aroos Unhi Ke Pesar Ki Hai

    Zaahir Me Mere Phool Haqeeqat Me Mere Nakhl
    Uss Ghul Ki Yaad Me Ye Sadaa Bul Bashar Ki Hai

    Pehle Ho Unki Yaad Ki Paaye Jila Namaz
    Yeh Kehte Hai Azaan Jo Pichle Pahar Ki Hai

    Duniya Mazaar Hashr Jahaan Hai Ghafoor Hai
    Har Manzil Apne Chaand Ki Manzil Gafar Ki Hai

    Un Par Durood Jinko Hajar Tak Kare Salaam
    Un Par Salaam Jinko Tahiyyat Shajar Ki Hai

    Un Par Durood Jinko Kase Be-kasa Kahe
    Un Par Salaam Jinko Khabar Be-khabar Ki Hai

    Jinno Bashar Salaam Ko Haazir Hai Assalam
    Yeh Bargah Maalik E Jinno Bashar Ki Hai

    Shamso Qamar Salaam Ko Haazir Hai Assalam
    Khubi Unhi Ki Jyot Se Shamso Qamar Ki Hai

    Sab Bahro Bar Salaam Ko Hazir Hai Assalam
    Tamlik Unhi Ke Naam To Har Bahro Bar Ki Hai

    Sango Shajar Salaam Ko Haazir Hai Assalam
    Kalme Se Tar Zabaan Darakhto Hajar Ki Hai

    Arzo Asar Salaam Ko Hazir Hai Assalam
    Malja Ye Baargah Dua O Asar Ki Hai

    Shorida Sarr Salaam Ko Hazir Hai Assalam
    Raahat unhi Ke Qadmo Me Shorida Sarr Ki Hai

    Khasta Jigar Salaam Ko Hazir Hai Assalam
    Marham Yahi Ki Khaak To Khasta Jigar Ki Hai

    Sab Khushko Tar Salaam Ko Hazir Hai Assalam
    Ye Jalwa Gaah Maalike Har Khushko Tar Ki Hai

    Sab Karro Far Salaam Ko Hazir Hai Assalam
    Topi Yahi to Khaaq Pe Har Karro Far Ki Hai

    Ahle Nazar Salaam Ko Hazir Hai Assalam
    Ye Gard Hi Surma Sab Ahle Nazar Ki Hai

    Aansu Baha Ki Beh Gaye Kaale Gunah Ke Dher
    Haathi Dubav Jheel Yaha Chashme Tar Ki Hai

    Teri Kaza Khaleefa E Ahkaame Zil jalaal
    Teri Raza Haleef Kazawo Kadar Ki Hai

    Yeh Pyari Pyari Kyari Tere Khaana Baagh Ki
    Sard Isko Aabo Taab Se Aatash Safar Ki Hai

    Jannat Me Aa Ke Naar Me Jaata Nahi Koi
    Shukre Khuda Naweed Najaato Zafar Ki Hai

    Mo’min hu Mo’mino Pe Rauf Ur Raheem Ho
    Sa-il Hu Sa-ilo Ko Khushi La-Nahar Ki Hai

    Daaman Ka Waasta Mujhe Is Dhup Se Bacha
    Mujhko To Shaak Jaado Me Us Duphar Ki Hai

    Maa Dono Bhai Bete Bhateeje Azeez Dost
    Sab Tujhko Soupe Milk Hi Sab Tere Ghar Ki Hai

    Jin Jin Muraado Ke Liye Ahbaab Ne Kaha
    Peshe Khabeer Kya Mujhe Haajat Khabar Ki Hai

    Fazle Khuda Se Ghaib E Shahadat Hua Unhe
    Iss Par Shahadat Aayato Wahiyo Asar Ki Hai

    Kahna Na Kahne Wale The Jab Se Tu ittela’a
    Maula Ko Qoulo Qailo Har Khusko Tar Ki Hai

    Unn Par Kitaab Utri Bayaanul Li-Kulli Shay
    Tafseel Jisme Abaro Ma Gabar Ki Hai

    Aage Rahi Ataa Wo Baqadre Talab To Kya
    Aadat Yaha Ummeed Se Bhi Beshtar Ki Hai

    Be Maange Dene Wale Ki Ne’amat Me Gark Hai
    Maange Se Jo Mile Kise Faham Is Kadar Ki Hai

    Ahbaab Iss Se Badh Ke To Shayad Na Paaye Arz
    Na Karda Arz Arz Ye Tarze Digar Ki Hai

    Dandaa(n) Ki Naat Khwa Hu Na Payab Hogi Aab
    Naddi Gale-Gale Mere Aabe Guhar Ki Hai

    Dashte Haram Me Rehne De Sayyad Agar Tujhe
    Mitti Azeez Bulbule Be-Baalo Par Ki Hai

    Ya Rabb Raza Na Ahmade Parina Hoke Jaay
    Ye Bargah Tere Habeebe Abarar Ki Hai

    Taufeeq De Ki Aage Na Paida Ho Khu-e Badd
    Tabdeel Kar Jo Khaslate Badd Peshtar Ki Hai

    Aa Kuch Suna De Ishq Ke Bolo(n) Me Ay Raza
    Mushtaq Tab-a Lazzate Soze Jigar Ki Hai

  • Dil Ko Unse Khuda Juda Na Kare



    Dil Ko Unse Khuda Juda Na Kare
    Bekasi Loot Le Khuda Na Kare

    Isme Rouze Ka Sajdah Ho Ki Tawaaf
    Hosh Me Jo Na Ho Wo Kya Na Kare

    Ye Wahi Hai Ki Baksh Dete Hai
    Kaun In Jurmo Par Saza Na Kare

    Sab Tabeebo Ne De Diya Hai Jawaab
    Aah Eesa Agar Dawaa Na Kare

    Dil Kaha Le Chala Haram Se Mujhe
    Are Tera Bura Khuda Na Kare

    Uzre Ummeed E Afw(a) Gar Na Sune
    Ru Siyaah Aur Kya Bahana Kare

    Dil Me Roushan Hai Shamm’e Ishq E Huzoor
    Kaash Joshe Havas Hawa Na Kare

    Hashr Me Hum Bhi Sayr Dekhenge 
    Munkir Aaj Unse Ilteja Na Kare

    Zof Maana Magar Ye Zaalim Dil
    Unke Raste Me To Thaka Na Kare

    Jab Teri Khu Hai Sabka Jee Khana
    Wahi Achha Jo Dil Bura Na Kare

    Dil Se Ik Zouk E May Ka Talab Hu
    Kaun Kehta Hai Itteqa Na Kare

    Le Raza Sab Chale Madine Ko
    Mai Na Jaun Are Khuda Na Kare