Xantel

Category: W

  • Waah Kya Martaba Aay Ghaus Hay Baala Teraa

    Waah Kya Martaba Aay Ghaus Hay Baala Teraa, 
    Oonche Oonchon Key Saron Sey Qadam Aa’laa Teraa. 

    Sar Bhalaa Kya Koi Jaane Key Hay Kaisa Teraa, 
    Auliya Malte Hain Aankhein Woh Hay Talwaa Teraa. 

    Kya Dabe Jis Pey Himaayat Ka Ho Panjah Teraa, 
    Sher Ko Khatre Me Laata Nahin Kuttaa Teraa. 

    Tu Husaini Hasani Kyoon Nah Muhiyuddin Ho, 
    Aay Khizar Majma’-E-Bahrain Hay Chashma Teraa. 

    Qasmein Dey Dey Key Khilaata Hay Pilaata Hay Tujhe, 
    Pyaara Allah Teraa Chaahne Waala Teraa. 

    Mustafa Key Tane Bey Saaye Ka Saaya Dekha, 
    Jis Ney Dekha Meri Jaan Jalwaa-E-Zaybaa Teraa. 

    Ibn-E-Zahraa Ko Mubaarak Ho ‘Aroos-E-Qudrat, 
    Qaadiri Paayein Tasadduq Mere Dulhaa Teraa. 

    Kyoon Nah Qaasim Ho Key Tu Ibn-E-Abil-Qaasim Hay, 
    Kyoon Nah Qaadir Ho Key Mukhtaar Hay Baaba Teraa. 

    Nabavi Meenh ‘Alawi Fasl Batooli Gulshan, 
    Hasani Phool Husaini Hay Meheknaa Teraa. 

    Nabavi Zil Alawi Burj Batooli Manzil, 
    Hasani Chaand Husaini Hay Ujaalaa Teraa. 

    Nabavi Khur ‘Alawi Kooh Batooli Ma’din, 
    Hasani La’l Husaini Hay Tajallaa Teraa. 

    Behr-O-Bar Sheher-O-Quraa Sehel-O-Hazan Dasht-O-Chaman, 
    Kaun Sey Chak Pe Pohonchtaa Nahin Da’waa Teraa. 

    Husn-E-Niyyat Ho Khataa Phir Kabhi Karta Hi Nahin, 
    Aazmaayaa Hay Yagaana Hay Dogaana Teraa. 

    ‘Arz-E-Ahwaal Ki Pyaason Me Kahaan Taab Magar, 
    Aankhein Aay Abr-E-Karam Takti Hain Rastaa Teraa. 

    Maut Nazdeek Gunaahon Ki Tahein Mail Key Khowl, 
    Aa Baras Jaa Key Nahaa Dho Le Ye Pyaasa Teraa. 

    Aab Aamad Woh Kahe Aur Mein Tayammum Bar Khaast, 
    Musht Khaak Apni Ho Aur Noor Ka Ahlaa Teraa. 

    Jaan To Jaate Hi Jaayegi Qayaamat Ye Hay, 
    Ke Yahaan Marne Pe Thehra Hay Nazaarah Teraa. 

    Tujh Sey Dar Dar Sey Sag Aur Sag Sey Hay Mujh Ko Nisbat, 
    Meri Gardan Me Bhi Hay Door Ka Doraa Teraa. 

    Is Nishaani Key Jo Sag Hain Nahi Maare Jaate, 
    Hashr Tak Mere Gale Mein Rahe Patta Teraa. 

    Meri Qismat Ki Qasam Khaayein Sagaan-E-Baghdad, 
    Hind Me Bhi Hoon To Deta Rahoon Pehra Teraa. 

    Teri Izzat Key Nisaar Aay Mere Ghairat Waale, 
    Aah Sad Aah Key Yoon Khwaar Ho Barda Teraa. 

    Bad Sahi, Chor Sahi, Mujrim-O-Naakaarah Sahi, 
    Aay Woh Kaisa Hi Sahi Hay To Kareema Teraa. 

    Mujh Ko Ruswaa Bhi Agar Koi Kahegaa To Yoon Hi, 
    Ke Wohi Naa, Wo Raza Banda-E-Ruswa Teraa. 

    Aay Raza Yoon Na Bilak Tu Nahin Jayyid To Na Ho, 
    Sayyad-E-Jayyid-E-Har Dehr Hay Mawla Teraa. 

    Fakhr-E-Aaqa Mein Raza Aur Bhi Ik Nazm-E-Rafee’, 
    Chal Likha Laayein Thanaa Khwaanon Mein Chehraa Teraa.

  • Wasfe Rukh Unka Kiya Karte Hai

    Wasfe Rukh Unka Kiya Karte Hai, Shar-he Wash-shamso Zuha Karte Hai
    Unki Hum Madd-ho Sana Karte Hai, Jinko Mahmood Kaha Karte Hai


    Maahe Shak Gashta Ki Soorat Dekho, Kaap Kar Mehr Ki Raj’at Dekho
    Mustafa Pyare Ki Qudrat Dekho, Kaise Ayjaz Hua  Karte Hai 


    Tu Hai Khursheed E Risalat Pyare, Chup Gaye Teri Ziya Me Taare
    Ambiya Aur Hai Sab Mah-Paare, Tujhse Hi Noor Liya Karte Hai


    Ay Balaa Be Khirdi-E Kuffar Rakhte Hai Aise Ke Haq Se Inkaar
    Ki Gawahi Ho Gar Usko Darkaar Be Zabaa(n) Bol Utha Karte Hai


    Apne Maula Ki Hai Bas Shaan E Azeem, Jaanwar Bhi Kare Jinki Ta’azeem
    Sang Karte Hai Adab Se Tasleem, Ped Sajde Me Gira Karte Hai


    Rif’ate Zikr Hai Tera Hissa, Dono A’alam Me Hai Tera Charcha
    Murge Firdous Pas Az Hamde Khuda Teri Hi Madho Sana     Karte Hai


    Ungliya Paayi Wo Pyari-Pyari, Jinse Dariya E Karam Hai Jaari
    Josh Par Aati Hai Jab Gamkhwari, Tishne Sairaab Hua Karte Hai


    Haa Yahi Karti Hai Chidiya(n) Fariyaad, Haa Yahi Chahti Hai Hirni Daad
    Isi Darr Par Shutrane-Naashaad Gil-E Ranjo Ana Karte Hai


    Aasti Rehmat E A’alam Ulte Kamare Paak Pe Daaman Baandhe
    Girne Waalo Ko Kucha E Dohzakh Se Saaf Alag Kheench Liya Karte Hai


    Jab Sabaa Aati Hai Taibah Se Idhar Khilkhila Padti Hai Kaliya(n) Yaksar
    Phool Jaama Se Nikal Kar Baahar Rukhe Rangi Ki Sana Karte Hai


    Tu Hai Wo Badshah E Kouno Makaa(n) Ki Malak Haft Falak Ke  Har Aa(n)
    Tere Maula Se Shahe Arsh Aywa(n) Teri Daulat Ki Dua Karte Hai


    Jiske Jalwe Se Uhud Hai Taba(n) Ma’adane Noor Hai Uska Damaa(n)
    Hum Bhi Us Chand Pe Ho Kar Qurbaa(n) Dil E Sangi Ki Jila Karte Hai


    Kyo Na Zeba Ho Tujhse Taajwari Tere Hi Dam Ki Hai Sab Jalwa Gari
    Malako Jinno Bashar Huuro Pari Jaan Sab Tujh Pe Fida Karte Hai


    Toot Padti Hai Balaye Jin Par, Jinko Milta Nahi Koi Yaavar
    Har Taraf Se Wo Pur Armaa(n) Fir Kar Unke Daaman Me Chupa Karte Hai


    Lab Par Aa Jaata Hai Naam E Janaab Muh Me Ghul Jaata Hai Shahde Nayab
    Wajd Me Ho Ke Hum Ay Ja(n) Betaab Apne Lab Choom Liya Karte Hai


    Lab Pe Kis Muh Se Ghum E Ulfat Laye(n) Kya Bala Dil Hai Alam Jiska Sunaye
    Hum To Unke Kafe Paa Par Mitt Jaye Unke Darr Par Jo Mita Karte Hai


    Apne Dil Ka Hai Unhi Se Aaram Soupe Hai Apne Unhi Ko Sab Kaam
    Lou Lagi Hai Ke Ab Us Darr Ke Ghulam Chara-E Dard E Raza Karte Hai

  • Wo Meri Jaan bhi Jaan ki Jaan bhi

    Wo Meri Jaan bhi Jaan ki Jaan bhi
    Wo Iman bhi Ruhe Iman bhi
    Mahbate wahi-E-Aayate Quraan bhi
    Aur Quraan bhi Ruhe Quraan bhi


    Kya Bataoon Qayamat ka main majra
    Rehmato- Ghaflato ka hai ik marka
    Dil ko unki Shafa’at pe Iman bhi
    Aqal apne kiye par pashemana bhi


    Ik Din Naz pe Aapne Yun kaha
    Tu bata Ta-ire Sidaratul Muntaha
    Hai tere samne Aalame kun-faka
    Tune payi kisi main meri Shan bhi


    Bole Yoon Hazrate Jibril bhi 
    Aiy Nigahe Masiyat ke zohra jabi
    Ho tera Misal koi, kabhi aur kahi
    Rab ne Rakhkha nahi iska imkan bhi


    Unki Rehmat pe “Akhtar” Dilo Jaa fida
    Jinko kahta hai Sara Jaha mustafa
    Go Meri zindagi unse gafil Rahi
    Wo Na gafil Rahe Mujhse Aik aan bhi

    Az:- Huzur Shaikhulislam Saiyyadi madnimiya Damatbarakatuhum Aaliya

  • Wah Kya Judoo Karam Hain (complete) (with audio)

    Wah Kya Joodo Karam Hain Shahe Bat-Ha Tera
    Nahi Sunta Hi Nahi Maangne Waala Tera
    Dhaare Chalte Hain Ataa Ke Wo Hain Qatra Tera
    Tare Khilte Hain Sakhaa Ke Wo Hain Zar-ra Tera
    Faiz Hain Ya Shahe Tasneem Nirala Tera
    Aap Pyaso Ke Tajas-sus Me Hain Dariya Tera
    Agniya(n) Palte Hain Dar Se Wo Hain Bada Tera
    Asfiya Chalte Hain Sar Se Wo Hain Rasta Tera
    Farsh Waale Teri Shaukat Ka Uloo Kya Jaane
    Khusrava Arsh Pe Udta Hain Pharera Tera
    Aasmaa(n) Khwan, Zamee(n) Khwan Zamana Mehmaan
    Sahibe Khana Laqab Kiska Hain Tera Tera
    Main To Maalik Hi Kahunga Ke Ho Maalik E Habeeb
    Ya’ani Mehboobo Muheeb Me Nahi Mera Tera
    Tere Qadmo Me Jo Hain Ghair Ka Muh Kya Dekhe
    Kaun Nazro Pe Chadhe Dekh Ke Talwa Tera
    Bahre Sa-il Ka Hu Sa-il Na Kuwe Ka Pyasa
    Khud Bujha Jaye Kaleja Mera Cheeta Tera

    Chor Haakim Se Chupa Karta Hain Ya Uske Khilaf
    Tere Daamam Me Chupe Chor Anokha Tera

    Aankhein Thandi Ho Jigar Taze Ho Jaan-E-Sairaab
    Sachhe Suraj Wo Dil-Aara Hai Ujala Tera

    Aik Main Kya Mere Isyaa(n) Ki Haqeeqat Kitni
    Mujhse Sau Laakh Ko Kaafi Hain Ishara Tera

    Muft Paala Tha Kabhi Kaam Ki Aadat Na Padee
    Ab Amal Poochte Hain Haaye Nikamma Tera

    Tere Tukdo Se Pale Ghair Ki Thokar Pe Na Daal
    Jhidkiya Khaaye Kaha Chor Ke Sadqa Tera

    Khwaro Bimaro Khatavaro Gunahgaar Hu Main
    Rafe’ao Nafe’ao Shafe’a Lakab Aaqa Tera

    Meri Taqdeer Buri Ho To Bhali Karde Ki Hain
    Mahwo Isbaat Ke Daftar Me Kadoda Tera

    Tu Jo Chahe To Abhi Mayl Mere Dil Ke Dhule
    Ke Khuda Dil Nahi Karta Kabhi Mayla Tera

    Kiska Muh Takiye Kaha Jaiye Kis Se Kahiye
    Tere Hi Qadmo  Pe Mitt Jaye Yeh Paala Tera

    Tu Ne Islam Diya Aaqa Tu Ne Jama’at Me Liye
    Tu Kareem Ab Koi Phirta Hain Atiyya Tera

    Maut Sunta  Hu Sitam Talkh Hain Jahraaba-e Nab
    Kaun La De Mujhe Talwo Ka Ghusala Tera

    Dur Kya Janiye Bad-kaar Pe Kaise Guzre
    Tere Hi Dar Pe Mare Be-kaso Tanha Tera

    Tere Sadqe Mujhe Ik Boond Bohat Hain Teri
    Jis Din Achho Ko Mila Jam Chalakta Tera

    Haram-O-Taibah Wa Baghdad Jidhar Kije Nigah
    Jyot Padti Hain Teri Noor Hain Chanta Tera

    Teri Sarkaar Me Laata Hain Raza Usko Shafe’a
    Jo Mera Ghous Hain Aur Laadla Beta Tera

  • Woh Nabiyon Main Rehmat Laqab Panay Wala

    Woh Nabiyon Main Rehmat laqab panay wala
    Usey say hai Islam ka bola bala
    Woh Nabiyon Main Rehmat laqab panay wala
    Usey say hai Islam ka bola bala
    Woh sar chashmai noor-e-fathghay mubeen hai
    Wohi mash anayra hay azmo yakeen hai
    Usey say hamaray dilon main ujala
    Usey say hai Islam ka bola bala
    Woh Nabiyon Main Rehmat laqab panay wala
    Usey say hai Islam ka bola bala
    Usey kay yeh gham par hai ahsaan saray
    Kadam manzelaain chomtey hain hamaray
    Usey nain andhayron say ham ko nikala
    Usey say hai Islam ka bola bala
    Woh Nabiyon Main Rehmat laqab panay wala
    Usey say hai Islam ka bola bala
    Sahara diya us kay naqshey qadam nain
    Usey kee tawajo usey kay kadam nain
    Zamanain kay girtay houon ko sanbhala
    Usey say hai Islam ka bola bala
    Woh Nabiyon Main Rehmat laqab panay wala
    Usey say hai Islam ka bola bala
    Usey kee mohabat hai iman-e-kamil
    Usey say mila hum ko irfan-e-manzil
    Usey nain hamain jada-e-haq pay dala
    Usey say hai Islam ka bola bala
    Woh Nabiyon Main Rehmat laqab panay wala
    Usey say hai Islam ka bola bala
    Sahara diya us kay naqshey qadam nain
    Usey kee tawajo usey kay kadam nain
    Zamanain kay girtay houon ko sanbhala
    Usey say hai Islam ka bola bala
    Usey kee mohabat hai iman-e-kamil
    Usey say mila hum ko irfan-e-manzil
    Usey nain hamain jada-e-haq pay dala
    Usey say hai Islam ka bola bala
    Woh Nabiyon Main Rehmat laqab panay wala
    Usey say hai Islam ka bola bala

  • Wahi Rab Hain Jisne Tujhko




    Wahi Rab Hain Jisne Tujhko Hama’atan Karaam Banaya,
    Hume Bheekh Maangne Ko, Tera Aastaa(n) Bataya
    Tujhe Hamd Hai Khudaya 


    Tumhi Haakim-E-Baraaya, Tunmhi Qasim-E-Ataaya
    Tumhi Dafae’e Balaya Tumhi Shafae’e Khataya
    Koyi Tumsa Kaun Aaya 


    Woh Kanwari Paak Maryam, Woh Nafakhto Feehe Kaadam
    Hain Ajab Nishaan-E-Aazam, Magar Aamena Ka Jaaya
    Wohi Sabse Afzal Aaya 


    Yahi Bole Sidra Waale, Chaman-E-Jahan Ke Thaale
    Sabhi Maine Chaan Daale Tere Paaye Ka Naa Paaya
    Tujhe Yakne Yak banaya 


    Arey Ae Khuda Ke Bandon, Koi Mere Dil Ko Dhundho,
    Mere Paas Tha Abhi To, Abhi Kya Hua Khudaya
    Na Koi Gaya Na Aaya


    Humko Ay Raza Tere Dil Ka Pata Chala Ba Mushkil
    Darr-E-Rouze Ke Muqabil Woh Hame Nazar To Aaya
    Yeh Na Pooch Kaisa Paaya

  • Wo Kamaale Husn E Huzoor Hain

    Wo Kamaal E Husn E Huzoor Hai Ke Ghumaan E Naqsh Jahaan Nahi
    Yahi Phool Khaar Se Duur Hai Yahi Shama’e Hai Ke Dhuwa Nahi

    Do Jahaan Ki Behtariyan Nahi Ke Amaaniye Dil O Jaan Nahi
    Kaho Kya Hai Wo Jo Yaha Nahi Magar Ik “Nahi” Ke Wo Haan Nahi

    Main Nisaar Tere Kalaam Par Mili Yun To Kisko Zabaan Nahi
    Wo Sukhan Hai Jisme Sukhan Na Ho Wo Bayaa(N) Hai Jiska Bayaan Nahi

    Ba-Khuda Khuda Ka Yahi Hai Darr Nahi Aur Koyi Mafar Maqar
    Jo Waha Se Ho Yahi Aa Ke Ho Jo Yaha Nahi Wo Waha Nahi

    Karein Mustafa Ki Ihaanatein Khule Bando Uss Par Ye Jur’ate
    Ke Main Kya Nahi Hu Muhammadi? Arey Haa Nahi Arey Haa Nahi

    Tere Aagey Yu(N) Hai Dabey Lachey Fusaha Arab Ke Bare Bare
    Koi Jaane Muh Me Zabaa(N) Nahi Nahi Balke Jism Mein Jaa(N) Nahi

    Wo Sharf Key Qat’a Hai Nisbatein Wo Karam Ke Sab Sey Qareeb Hain
    Koi Keh Do Yaas O Ummeed Se Wo Kahee Nahi Wo Kahaa(N) Nahi

    Hain Unhi Ke Noor Se Sab Ayaa(N) Hain Unhi Ke Jalwe Mein Sab Nihaa(N)
    Bane Subh Taabish Mehr Se Rahe Pesh E Mehr Ye Jaa(N) Nahi

    Wahi Noor E Haq Wahi Zill E Rabb Hai Unhi Se Sabb Hai Unhi Ka Sabb
    Nahi Unki Milk Mein Aasmaan Ke Zamee(N) Nahi Ke Zamaa(N) Nahi

    Wahi La-Makaa(N) Ke Makee(N) Huwe Sare Arhs Takht Nashee(N) Huwe
    Wo Nabi Hai Jiske Hai Ye Makaa(N) Wo Khuda Hai Jiska Makaa(N) Nahi

    Sar E Arsh Par Hai Teri Guzar Dil E Farsh Par Hai Teri Nazar
    Malakoot O Mulk Mein Koyi Shay Nahi Wo Jo Tujh Pe Ayaan Nahi

    Karoo Tere Naam Pe Jaan Fida Na Bas Ek Jaan Do Jahaan Fida
    Do Jahaan Se Bhi Nahi Jee Bhara Karu Kya Karoro(N) Jahaan Nahi

    Tera Qad To Naadir E Dahr Hai Koi Misl Ho To Misaal De
    Nahi Ghul Ke Paudo Me Daaliya Ke Chaman Mein Sar O Chamaa Nahi

    Karu Madhe Ahle Duwal Raza Parey Iss Balaa Mein Meri Balaa
    Main Gada Hu Apne Kareem Ka Mera Deen Para E Naa Nahi

  • Wo Suey La Lazaar Phirtey Hain

    Wo Suey La Lazaar Phirte Hain
    Tere Din Ay Bahaar Phirte Hain

    Jo Tere Dar Se Yaar Phirte Hain
    Dar-Ba-Dar Yu Hi Khaar Phirte Hain

    Phool Kya Dekhu Meri Aankhon Mein
    Dashte Taibah Ke Khaar Phirte Hain

    Jaan Hain Jaan Kya Nazar Aaye,
    Kyu Adu Gird E Gaar Phirte Hain

    Unke Ima Pe Dono Bagho Par,
    Khaile Lailo Nahar Phirte Hain

    Wardiya Bolte Hain Har Kaare
    Pehra Dete Suvaar Phirte Hain

    Laakhon Qudsi Hain Kaam-E-Khidmat Par
    Laakhon Girde Mazaar Phirte Hain

    Har Charagh E Mazaar Par Qudsi
    Kaise Parwana Vaar Phirte Hain

    Baaye Raste Na Ja Musafir Sunn
    Maal Hain Rahbaar Phirte Hain

    Jaag Sunsaan Ban Hai Raat Aayi
    Gurg Behre Shikaar Phirte Hain

    Rakhiye Jaise Hain Khanazad Hain Hum
    Mol Ke Aibdaar Phirte Hain

    Us Gali Ka Gada Hu Main Jisme
    Maangte Taajdaar Phirte Hain

    Haye Gafil Wo Kya Jagah Hain Jaha
    Paanch Jaate Hain Chaar Phirte Hain

    Koyi Kyu Pooche Teri Baat Raza
    Tujhse Kutte Hazaar Phirte Hain