Xantel

Category: Other Naat Shareef

  • Lab Par Naat E Pak Ka Nagma


    Lab Per Naat-e-Pak Ka Naghma Kal Bhi Tha Aur Aaj Bhi Hai
    Mere Nabi Se Mera Rishta Kal Bhi Tha Aur Aaj Bhi Hai

    Aur Kissi Jaanib Kyun Jayein Aur Kissi Ko Kyun Dekhein
    Apna Sab Kuch Gumbad-e-Khizra Kal Bhi Tha Aur Aaj Bhi Hai

    Pust Woh Kaisay Ho Sakta Hai Jiss Ko Haq Ne Buland Kiya
    Dono Jahan Mein Unka Charcha Kal Bhi Tha Aur Aaj Bhi Hai

    Jiss Ke Fayz Se Bunjar Seeno Ne Shadabi Payi Hai
    Mauj Mein Woh Rehmat Ka Darya Kal Bhi Tha Aur Aaj Bhi Hai

    Batlado Ye Har Dushman-e-Deen Ko Ghairat-e-Muslim Zinda Hai
    Deen Per Mar Mitne Ka Jazba Kal Bhi Tha Aur Aaj Bhi Hai

    Inke Dar Se Sab Ho Aaye Jaa Na Saka Tou Aik Sabhi
    Ye Ke Aik Tasweer-e-Tamanna Kal Bhi Tha Aur Aaj Bhi Hai

    Jinn Aankhon Se Taiba Dekha Woh Ankhein Betaab Hai Phir
    Inn Ankhon Mein Aik Taqaza Kal Bhi Tha Aur Aaj Bhi Hai

  • Likh Raha Hu Naat E Sarwar


    Likh Raha Hoon Naat-e-Sarwar Sabz Gumbad Dekh Kar
    Kaif Taari Hai Qalam Par Sabz Gumbad Dekh Kar

    Hai Muqaddar Yaawri Par Sabz Gumbad Dekh Kar
    Phir Na Kyun Jhoomay Sana Gar Sabz Gumbad Dekh Kar

    Masjid-e-Nabwi Pe Pohonchay Marhaba Sallay Ala
    Ho Gaya Jaari Zuban Par Sabz Gumbad Dekh Kar

    Aap Se Buss Aap Hee Ko Mangta Hai Ya Nabi
    Aapka Adna Gadagar Sabz Gumbad Dekh Kar

    Dhoop Rozana Madinay Choomti Hai Jhoom Kar
    Aur Lipatt Jaati Hai Sabz Gumbad Dekh Kar

    Aapki Galiyun Ke Kuttay Tou Mujhse Achay Rahay
    Hai Sukoon Unko Mayassar Sabz Gumbad Dekh Kar

    Aah! Ae Attar Tujhse Itna Bhi Na Ho Saka
    Jaan Kar Deta Nichawar Sabz Gumbad Dekh Kar

  • Main Sadqe Ya Rasulallah صلی اللہ علیہ وسلم

    Sallay Ala Nabiyenna Sallay Ala Muhammadin
    Sallay Ala Shafiyena Sallay Ala Muhammadin
    Mujh Pe Maula Ka Karam Hai Unki Naatein Parhta Hoon
    Daaman Apna Rub Ki Rehmat Se Mein Har Dum Bharta Hoon
    Mein Sadqay Ya RasoolAllah
    Mein Sadqay Ya HabibAllah
    Dhoom Unn Ki Naa Khuwaani Ki Machatay Jayeinge
    Ya RasoolAllah Ka Na’ra Lagatay Jayeinge
    Na’t Khuwaani Maut Bhi Hum Se Chura Sakti Nahi
    Qabr Mein Bhi Mustafa Ke Geet Gaatay Jayeinge
    Kitna Bara Hai Mujh Pe Ye Ahsaan-e-Mustafa
    Kehte Hain Log Mujh Ko Sana Khuwaan-e-Mustafa
    Beher-e-Bakhshish Pass Apne Kuch Nahi Iske Siva
    Umar Bhar Naatein Suneinge Aur Sunatay Jayeinge
    Naat Khuwani Ka Nasha Nas Nas Mein Aisa Chah Gaya
    Qabr Mein Bhi Geet Ubaid Ab Mustafa Ke Gayeinge
    Koi Guftugu Ho Lab Per Tera Naam Agaya Hai
    Tera Zikr Kartay Kartay Ye Maqaam Agaya Hai
    Jissay Peekay Sheikh Sa’di Balaghal Ula Pukarein
    Mere Dast-e-Na Tawaan Mein Wohi Jaam Agaya Hai
    Tera Wasf Bayaan Ho Kisse Teri Kon Karega Barayei
    Iss Gard-e-Safar Mein Gum Hai Jibreel-e-Ameen Ki Rasayei
    Aey Raza Khud Sahib-e-Qur’an Hai Madaah-e-Rasool
    TUjhse Kab Mumkin Hai Phir Midhat RasoolAllah Ki
    Jitna Diya Sarkar Ne Mujhko Itni Meri Auqaat Nahi
    Ye Tou Karam Hai Unka Warna Mujhe Mein Tou Aisi Baat Nahi
    Ghaur Tou Kar Sarkar Ki Mujhper Kitni Khaas Inayat Hai
    Kausar Tou Hai Unka Sana Khuwaan Ye Ma’mooli Baat Nahi
    Gham Nahi Chordey Ye Saara Zamana Mujhko
    Mere Aaqa Tou Hain Seenay Se Laganay Ke Liye
    Bakhsh Dei Naat Ki Daulat Mere Aaqa Ne Mujhe
    Kitnay Pyara Waseela Sarkar Ko Paanay Ke Liye
    Seenay Mein Bhara Hai Teri Naaton Ka Khazana
    Aalam Mein Lutata Hoon Kamayei Tere Dar Ki
    Sadayein Duroodon Ki Aatei Raheingi
    Jinhein Sunke Dil Shaad Shaad Hota Rahega
    Khuda Ahl-e-Sunnat Ko Aabaad Rakhay
    Muhammad Ka Milad Hota Rahega
    Ab Ke Baras Bhi Hoonton Pe Unki Sana Rahei 
    Ab Ke Baras Bhi Wajd Mein Ghar Ki Fiza Rahei 
    Ab Ke Baras Bhi Madha Ke Khiltay Rahay Gulab 
    Ab Ke Baras Bhi Kasht-e-Dil-o-Jaan Sawar Rahi 
    Ab Ke Baras Bhi Lab Pe Taraana Tha Naat Ka 
    Ab Ke Baras Bhi Chaar Sou Mehki Saba Rahi 
    Ab Ke Baras Bhi Sheher-e-Sukhan Mein Thei Ronaqein 
    Ab Ke Baras Bhi Raqs Mein Meri Sada Rahi 
    Ab Ke Baras Bhi Shayr-O-Sukhan Se Theu Dosti 
    Ab Ke Baras Bhi Doston Hamd-O-Sana Rahei 
    Ab Ke Baras Bhi Tazkira-e-Mustafa Rahei 
    Ab Ke Baras Bhi Guftugu Sallay Ala Rahei
    Awaaz Ubaid Teri Bafaizan-e-Naat Hee
    Seenon Mein Aashiqan-e-Nabi Ke Utar Gayei

  • Meri Dhadkan Me Ya Nabi صلی اللہ علیہ وسلم


    Meri Dharkan Mein Ya Nabi
    Meri Saanson Mein Ya Nabi
    Ya Nabi Ya Nabi Ya Nabi

    Koi Guftugu Ho Lab Par Tera Naam Agaya Hai
    Teri Midha Kartay Kartay ye Maqaam Agaya Hai

    Dar-e-Mustafa Ka Manzar Meri Chasm-e-Tar Ke Andar
    Kabhi Subhu Agaya Hai Kabhi Shaam Agaya Hai

    Ye Talab Thei Ambiya Ki Rukh-e-Mustafa Ko Dekhein
    Ye Namaz Ka Waseela Unhe Kaam Agaya Hai

    Do Jahan Ki Ne'matoon Se Tere Dar Se Jo Bhi Maanga
    Mere Daaman-e-Talab Mein Woh Tamaam Agaya Hai

    Jisse Pee Ke Sheikh Saadi Balaghal Ula Pukarain
    Mere Dust-e-Natawan Mein Wohi Jaam Agaya Hai
    


    Woh Adeeb Jisne Mehshar Mein Bipa Kiya Hai Mehshar
    Woh Kaheingay Aao Dekho Ye Ghulam Agaya Hai

  • Tadap Raha Hu Madine Ki Haazri Ke Liye

    Tarap Raha Hoon Madinay Ki Haazri Ke Liye

    Sahara Chahiyay Sarkar Zindagi Ke Liye
    


    
 Huzoor Aisa Koi Intizaam Ho Jaye
    
 Salaam Ke Liye Haazir Ghulam Ho Jaye
    
 
    
 Naseeb Walon Mein Mera Bhi Naam Ho Jaye
    
 Jo Zindagi Ki Madinay Mein Shaam Ho Jaye
    

     Mein Shaad Shaad Maronga Agar Dum-e-Aakhir
    
 Zubaan Pe Jaari Muhammad Ka Naam Ho Jaye
    

     Sahara Chahiyay Sarkar Zindagi Ke Liye
    
 Tarap Raha Hoon Madinay Ki Haazri Ke Liye
    

     Woh Bazm-e-Khaas Jo Darbaar-e-Aam Ho Jaye
    
 Umeed Hai Keh Hamara Salaam Ho Jaye
    

    

    

    Idher Bhi Ik Nigaah-e-Lutf-e-Aam Ho Jaye

    Ke Aashiqon Mein Hamara Bhi Naam Ho Jaye

    

    Tere Ghulam Ki Shaukat Jou Dekh Le Mehmood

    Abhi Ayaaz Ki Surat Ghulam ho Jaye    

    

    Mein Qayal Aap Ke Rauzay Ka Hoon Woh Qayal Tur

    Kaleem Se Na Kissi Din Kalaam Ho Jaye

    

    Madinay Jaon Phir Aaon Dobara Phir Jaon

    Tamaam Umar Issi Mein Tamaam Ho Jaye    

    

    Bulao Jald Madinay Mein Hai Ameer Ko Khauf

    Kaheen Na Umar Do Roza Tamaam Ho Jaye

    

    Tumhari Naat Parhon Mein Sunoo Likhoon Har Dum

    Ye Zindagi Meri Yunhi Tamaam Ho Jaye

    

    Meri Namaz-e-Janazah Ki Yun Ibadat Ho

    Ke Do Jahan Ke Aaqa Imam Ho Jaye

    

    Sahara Chahiyay Sarkar Zindagi Ke Liye

    Tarap Raha Hoon Madinay Ki Haazri Ke Liye    

    

    Piya Raza O Ziya Ne Piya jou Murshid Ne

    A'ta Mujhay Bhi Shah Aisa Jaam Ho Jaye

  • SARKAAR KE QADMO MEIN

    Allah Ne Pohnchaya Sarkar Ke Qadmon Mein

    Sud Shukar Keh Mein Phir Aaya Sarkar Ke Qadmon Mein

    

    Rud Kaisay Bhala Hogi Ab Koi Dua Meri

    Mein Rub Ko Pukar Aaya Sarkar Ke Qadmon Mein    

    

    Kuch Kehne Se Pehle Hee Puri Hoi Har Khuwahish

    Jo Socha Wohi Paaya Sarkar Ke Qadmon Mein

    

    Kuch Lamhay Huzoori Ke Paaye Tou Ye Lagta Hai

    Ik Umar Guzaar Aaya Sarkar Ke Qadmon Mein    

    

    Mujh Jaisa Tahee Damaan Kiya Nazar Ko Lejaata

    Ik Naat Suna Aaya Sarkar Ke Qadmon Mein

    

    Yaad Aayi Sabih Apni Har Aik Khata Mujh Ko

    Aamaal Pe Sharmaaya Sarkaar Ke Qadmon Mein

  • Ya Nabi صلی اللہ علیہ وسلم Dekha Ye Rutba

    Ya Nabi Dekha Ye Rutba Aapki Naalein Ka

    Arsh Ne Chooma Hai Talwa Aapki Naalein Ka

    

    Aapki Khidmat Ka Mujhko Kaash Mil Jaata Sharaf

    Baandhta Haathon Se Tasma Aapki Naalein Ka    

    

    Aapke Qadmon Ki Narmi Qalb Par Mehsoos Ki

    Jab Bhi Mein Ne Naqsh Dekha Aapki Naalein Ka

    

    Hashr Mein Jab Log Choomay Aapka Dust-e-Karam

    Sab Say Chup Kar Loon Mein Boosa Aapki Naalein Ka

    

    Roz-e-Mehshar Sar Pe Soraj Jab Sawaa Neezay Pe Ho

    Aik Nezay Per Ho Saaya Aapki Naalein Ka

    

    Jiss Se Aagay Jaayein Tou Jal Jaye Par Jibril Ke

    Uss Se Aagay Jaana Dekha Aapki Naalein Ka    

    

    Taaj Kyun Na Bheek Maangay Aapki Naalein Ki

    Taajwar Khaatay Hain Sadqa Aapki Naalein Ka

  • Shah E Wala Mujhe Taibah Bulalo

    Shah-e-Wala Mujhe Taiba Bulalo
    Taiba Bulalo Mujhe Taiba Bulalo
    Deyorri Ka Apni Kutta Banalo
    Qadmon Se Apne Mujhko Lagalo
    Sadqay Mein Sadqay Mein Sadqay Bulalo
    Furqat Ke Maaron Ko Piyare Jila Lou
    Pyare Jila Lou Mujhe Aaqa Jila Lou
    Maula Jila Lou Mujhe Aaqa Jila Lou
    Duniya Ke Jhagron Se Yaksar Chura Kar
    Ghayron Ki Ulfat Ko Dil Se Mita Kar
    Shah-e-Wala Mujhe Apna Banalo
    Apna Banalou Mujhe Apna Banalo
    Naykon Ke Sadqay Mein Hum Se Baddon Ko
    Zaaron Na Zaaron Musibat Zaddon Ko
    Maula Nibhalo Mere Maula Nibhalo
    Haan Haan Nibhalou Mere Aaqa Nibhalou

    Hotey Ho Tum Kyun Mayus Muztar
    Kis Waate Ho Haira(n) Shashdar
    Dukh Dard Waalo Suno Dukh Dard Waalo
    Taybah Se Har Ik Apni Dawa Lo

    Darushshifa E Taybah Mein Aawo
    Jo Maango Fouran Muh Maangi Paawo
    Andwa Wa Ghum Sab Apne Mitaalo
    Ranj O Alam Sab Dil Se Nikalo

    Aankhon Mein Aawo Dil Mein Samawo
    Parda Uthao Jalwa Dikhao
    Hasrat Zada Ki Pyare Duwa Lo
    Hasrat Nikalo Meri Hasrat Nikalo

    Kurbaan Jaau Kurbaan Jaau
    Sar Sadqe Kar Ke Sadke Utaru 
    Qadmo Mein Apne Maula Bula Lo
    Maula Bula Lo Mujhe Aaqa Bula Lo

    Baad E Mukhalif Tez Aa Rahi Hai
    Kashti Hamari Chakra Rahi Hai
    Manjdhar Mein Hai Maula Bacha Lo
    Pyare Bachalo Mujhe Shaha Bacha Lo

    Dolat Hai Nayya Meri Bhanvar Mein
    Maula Tirawo Ayke Nazar Mein
    Meri Khabariya Mere Piya Lo
    Mav Ko Bacha Lo Piya Mav Ko Bacha Lo

    Taa-ib Ho najdi, Aa-ib Ho najdi
    Aur Ye Na Ho To Kha-ib Ho najdi
    Gaayib Ho najdi Maula Nikalo
    Jaldi Nikalo Inhe Jaldi Nikalo

    Ye Noori Muztar Tera Sanagar
    Aur Iska Ghar Bhar Ho Haazir E Darr
    Apne Gada Gar Ko Dar Par Bula Lo
    Amn O Amaa(n) Se Hamein Sarwar Bula Lo

  • Habeeb E Khuda Ka Nazara Karu Main


    Habeeb-E-Khuda Ka Nazara Karoon Mein
    Dil-O-Jaan Unn Per Nisara Karoon Mein

    Teri Kafsh-E-Paa Yoon Sanwara Karoon Mein
    Ke Palkon Se Uss Ko Bohara Karoon Mein

    Khudara Ab Aao Ke Dum Hai Labbon Per
    Dum-E-Waapsi Tou Nazara Karoon Mein

    Teray Naam Per Sar Ko Qurbaan Karke
    Tere Sar Se Sadqay Utara Karoon Mein

    Ye Ek Jaan Kia Hai Agar Ho Karoron
    Tere Naam Per Sab Ko Waara Karoon Mein

    Mera Deen-O-Imaan Farishtay Jou Poochein
    Tumhari Hee Jaanib Ishara Karoon Mein

    Khuda Khayr Se Laaye Woh Din Bhi Noori
    Madinay Ki Galiyyan Bohara Karoon Mein

  • BAKHT-E-KHUFTA NE


    Bakht-E-Khufta Ne Mujhe Rauzay Pe Jaanay Na Diya
    Chashm-O-Dil Seenay Kaleyje Se Laganay Na Dia
    Aah! Qismat Mujhe Duniya Ke Ghamon Ne Roka
    Haaye! Taqdeer Keh Taiba Mujhe Jaanay Na Dia

    Itna Kamzor Kiya Zoa’afa E Quwa Ne Mujh Ko
    Paanv To Paanv Mujhe Sarr Bhi Uthane Na Diya

    Kabhi Beemar E Muhabbat Bhi Hue Hai Achhe
    Roz Afzu(n) Hai Marz Kaam Dawa Ne Na Diya

    Sharbat-E-Deedar Ne Aur Aag Lagadei Dil Mein
    Tapish-E-Dil Ko Barhaya Hai Bujhanay Na Dia
    Ab Kahan Jayega Naqsh Tera Mere Dil Se
    Teh Mein Rakha Hai Issay Dil Ne Gumanay Na Dia
    Mere A’mal Ka Badla Tou Jahannum Hee Tha
    Mein Tou Jaata Mujhe Sarkar Ne Jaanay Na Dia
    Nafs-E-Badkaar Ne Ne Dil Pe Ye Qiyamat Torri
    Amal Naik Kia Bhi Tou Chupanay Na Dia
    Aur Chamakti Sei Ghazal Koi Parho Aey Noori
    Rung Apna Abhi Jamnay Sho’ra Ne Na Dia