Xantel

Category: Y

  • Ye Shehr E Mustafa Hai Madina Kareem Hai

    Ye Shehr E Mustafa Hai Madina Kareem Hai

    Ye Shehr E Mustafa Hai, Madina Kareem Hai
    Sab Ko Nibha Raha Hai, Madina Kareem Hai

    Kyun Na Kareem Ho Ye Ki Aaqa Kareem Ka
    Maskan Jo Ban Gaya Hai, Madina Kareem Hai

    Phayla Ke Apni Baa(n)hein Bulaata Hai Baar Baar
    Rehmat Ka Daayra Hai, Madina Kareem Hai

    Tukdon Pe Un Ke Palte Hain Shaah O Gada Sabhi
    Sufra Laga Huwa Hai, Madina Kareem Hai

    Lab Kholne Se Pehle Hi Aaqa Ne De Diya
    Mera Bhi Tajurba Hai, Madina Kareem Hai

    Hai Zarf Laa Jawaab Karam Be Misaal Hai
    Mujh Jaisa Aa Gaya Hai, Madina Kareem Hai

    Jannat Bhi Mujh Ko Aap Ke Qadmon Mein Mil Gayi
    Kaisa Karam Huwa Hai, Madina Kareem Hai

    Kya Maangu Mustafa Se Ujagar Dili Muraad
    Sab Kuch To De Diya Hai, Madina Kareem Hai

  • Ya Ilahee Har Jagah Teri Ataa Ka Saath Ho with English Translation

    Ya Ilahee Har Jagah Teri Ataa Ka Saath Ho
    Jub Pade Mushkil Shahe Mushkil Kusha Ka Saath Ho

    O Allah! At every juncture, may Your endless Bounty be with me!
    In times of difficulty, may the King of the Destroyers of Difficulty, be with me!

    Ya Ilahee Bhool JaauN Naza’ Ki Takleef Ko
    Shaadiye Deedar e Husn e Mustafa Ka Saath Ho

    O Allah! May I forget the agony of the removal of the soul;
    May the joy of seeing the beauty of the Chosen One, be with me!

    Ya Ilahee Gor e Teera Ki Jab Aaye Sakht Raat
    Unke Pyaare Munh Ki Subhe JaaN Fiza Ka Saath Ho

    O Allah! When the difficult night in the dark grave commences;
    May the life-giving, bright morning of his lovely face, be with me!

    Ya Ilahee Jab Padey Mahshar MeiN Shor e Daar-o-Geer
    Amn Dene Waale Pyaare Peshwa Ka Saath Ho

    O Allah! In the plains of resurrection, when there is an uproar to catch and detain;
    May the Bestower of Peace, the Beloved Leader, be with me!

    Ya Ilahee Jub ZabaaneiN Baahar AayeiN Pyaas Se
    Saahib-e-Kausar Shahe Jood-o-Ataa Ka Saath Ho

    O Allah! When the tongues hang out, dry with thirst;
    May the Owner of Kausar, the King of Generosity and Bestowals, be with me!

    Ya Ilahee Sard-e-Mehri Par Ho Jab Khurshid-e-Hashr
    Sayyad-e-Besaaya Ke Zille-e-Liwaa Ka Saath Ho

    O Allah! When the sun of the Day of Resurrection, blazes without mercy;
    May the shade of the Banner of the shadow-less Leader, be with me!

    Ya Ilaahee Garmi-e-Mahshar Se Jub BharkeiN Badan
    Daaman-e-Mahboob Ki Thandi Hawaa Ka Saath Ho

    O Allah! When the bodies flare up with the heat of the plains of resurrection;
    May the cool breeze from the folds of the Beloved, be with me!

    Ya Ilahee Nama-e-A’maal Jub Khulne LageiN
    Aib-e-Pooshe Khalq Sat’taare Khata Ka Saath Ho

    O Allah! When the books of deeds are being opened for inspection;
    May the Concealer of the creation’s shortcomings, the Hider of sins, be with me!

    Ya Ilahee Jub BaheiN AankheiN Hisaab-e-Jurm MeiN
    Un Tabassum rez-e-hontoN ki Dua ka Saath Ho

    O Allah! When the eyes shed tears giving the account of sins;
    May the prayers from the lips that spread smiles, be with me!

    Ya Ilahee Jub Hisaabe Khanda-e-Bejaa Rulaaye
    Chashme Giryaane Shafi-e-Murtaja Ka Saath Ho

    O Allah! When the account of useless merriment causes me to cry;
    May the tearful eyes of the Intercessor, the Giver of Hope, be with me!

    Ya Ilahee Rang LaayeiN Jab Meri Be-baqiyaaN
    Unki Neechi Neechi NazroN Ki Hayaa Ka Saatho Ho

    O Allah! When my reckless deeds bring forth their outcome;
    May the modesty of his shy low gazes, be with me!

    Ya Ilahee Jub ChalooN Tareek Raahe Pul Siraat
    Aftaab-e-Haashmi Noorul Huda Ka Saath Ho

    O Allah! When I walk upon the dark path of the straight bridge;
    May the Hashemite sun, the guiding light, be with me!

    Ya Ilahee Jub Sare Shamsheer Par Chalna Pare
    Rabbe Sallim Kehne Waale Ghamzudah Ka Saath Ho

    O Allah! When I have to walk atop the sword-like path;
    May he who says “O Allah, Safety”, the Remover of Grief, be with me!

    Ya Ilahee Jo DuaeiN Nek Mein Tujh Se KarooN
    QudsiyoN Ke Lub Se Aameen Rab’bana Ka Saath Ho

    O Allah! For all the good supplications I beseech You with;
    May the words “So be it, O our Lord” from the angels’ lips, be with me!

    Ya Ilahee Jub Raza Khwaab-e-GaraaN Se Sar Uthaye
    Daulat-e-Bedaar Ishk-e-Mustafa Ka Saath Ho

    O Allah! When “Raza” raises his head from the deep slumber;
    May the fully-awake treasure, the love of the Chosen One, be with me!

    Translation by Maulana Aqib alQadri Rahimahullah

  • Ya RASOOLALLAH tere dar ki fazaao ko salaam

    Ya RASOOLALLAH tere dar ki fazaao ko salaam
    gumbad e khazra ki thandi thandi chao ko salaam

    Masjeed e nabvi ke subho aur shamo ko salaam.

    Ya Nabi tere ghulamo ke ghulamo ko salaam.

    Jo madine ki gali kucho mein dete hai sadaa.

    un fakiro rahgiro aur gadao ko salaam.

    Walehaana jo tawafe roza e aqdas kare.

    mast o bekhud karti un hawao ko salaam.

    Jo padha karte hai rozo shab tere darbaar mein.

    pesh karta hai Zahuri  un salaamo ko salaam.

  • Ye Kehti Thi Ghar Ghar Me Ja Kar Haleema

    Ye Kehti Thi Ghar Ghar Me Ja Kar Haleema
    Mere Ghar Me Khairul Waraa Aa Gaye Hai
    Bade Auj Par Hai Mera Ab Muqaddar
    Mere Ghar Rasool E Khuda Aa Gaye Hai


    Uthi Chaarsu Rehmato Ki Ghataye
    Mu-attar Mu-attar Hai Saari Fazae
    Khushi Me Ye Jibreel Nagme Sunaye
    Wo Sha-faye Rouze Jaza Aa Gaye Hai


    Ye Zulmat Se Kehdo Andhere Uthale
    Ke Hai Har Taraf Ab Ujale Ujale
    Kaha Jinko Haq Ne Sirajammuneera
    Mere Ghar Wo Noor E Khuda Aa Gaye Hai


    Ye Sunkar Sakhee Aapka Aastaana
    Hai Daaman Pasare Hue Sab Zamana
    Nawaso Ka Sadqa Nigah E Karam Ho
    Tere Dar Pe Tere Gada Aa Gaye Hai


    Mukarrab Hai Be-Shaq Khaleelo Najee Bhi
    Badi Shaan Waale Kaleemo Maseeh Bhi
    Liye Arsh Ne Jinke Qadmo Ke Bouse
    Wo Ummi Laqab Mustafa Aa Gaye Hai


    Khuda Ke Karam Se Nakirain Aa Kar
    Kahenge Ziyarat Ka Muzdah Suna Kar
    Utho Behre Ta’azeem Noorul Hasan Ab
    Lahad Me Rasool E Khuda Aa Gaye Hai

  • Ya Nabi Salaam Alaika (salaam)

    Ya Nabi Salaam Alaika,
    Ya Rasul Salaam Alaika,
    Ya Habib Salaam Alaika,
    Salawatullaah Alaika.
    Jashn-e-Milad un nabi hay,
    Noor ki chaadar tani hay,
    Roshani hi roshani hay,
    Har taraf yay doom machi hay.
    Ya Nabi Salaam Alaika,
    Ya Rasul Salaam Alaika,
    Ya Habib Salaam Alaika,
    Salawatullaah Alaika.
    Ya habeeb-e-rab-e-daawar,
    Azpa-ay Siddeeq-e-Akbar,
    Aur Umar Usmaan O Haydar,
    Chashmay baytar Do qalb-e-uzz par.
    Ya Nabi Salaam Alaika,
    Ya Rasul Salaam Alaika,
    Ya Habib Salaam Alaika,
    Salawatullaah Alaika.
    Rahmatal Lil Aalameena,
    Ho ataa aysa kareena,
    Daykh kar meetaa madina,
    Ishq-e-main patjaa ay seena.
    Ya Nabi Salaam Alaika,
    Ya Rasul Salaam Alaika,
    Ya Habib Salaam Alaika,
    Salawatullaah Alaika.
    Aakhari lamhay jab aa-ain,
    Kaash wo tashreef laa-ain,
    Apnay jalwon main gumaa-ain,
    Joom-e-kar ham gun gunaa-ain.
    Ya Nabi Salaam Alaika,
    Ya Rasul Salaam Alaika,
    Ya Habib Salaam Alaika,
    Salawatullaah Alaika.
    Hashr-e-main sarkaar-e-aanaa,
    Mayray ayb ko chupaana,
    Apnay rab say bakhsh,
    Saath-e-jannat may bassaana
    Ya Nabi Salaam Alaika,
    Ya Rasul Salaam Alaika,
    Ya Habib Salaam Alaika,
    Salawatullaah Alaika.

  • Ya Ilaahi Har Jaga Teri Ataa Ka Saath Ho (with audio)

    Ya Ilaahi Har Jaga Teri Ataa Ka Saath Ho
    Jub Pade Mushkil Sha’e Mushkil Kusha Ka Saath Ho
    Ya Ilaahi Bhool Jawu Naza’Ki Takleef Ko
    Shaadiye deedare Husne Mustafa Ka Saath Ho
    Ya Ilaahi Gor Teera Ki Jab Aayeh Sakht Raat
    Unke Pyaare Moonh Ki Subha Jaa Fiza Ka Saath Ho
    Ya Ilaahi Jub Padre Mahshar Me Shore Daar-o-Geer
    Amn Dene Waale Pyaare Peshwa Ka Saath Ho
    Ya Ilaahi Jub Zabaane Baahar Aayey Pyaas Se
    Saahib-e-Kauthar Sha’e Jood-o-ataa Ka Saath Ho
    Ya Ilaahi Sard-e-Mehri Par Ho Jab Khurshid-e-Hashr
    Sayyad-e-Besaaya Ke Zille-e-Liwaa Ka Saath Ho
    Ya Ilaah Garmi-e-Mahshar Seh Jub Bharke Badan
    Daaman-e-Mahboob Ki Thandi Hawaa Ka Saath Ho
    Ya Ilaahi Nama-e-A’maal Jub Khulne Lage
    Aib-e-Pooshe Khalq Sat’taare Khata Ka Saath Ho
    Ya Ilaahi Jub Bahe Aankhe Hisaab-e-Jurm Me
    Un Tabassum rez-e-honto ki Dua ka Saath Ho
    Ya Ilaahi Jub Hisaabe Khanda-e-Bejaa Rulaaye
    Chashme Giryaane Shafi-e-Murtaja Ka Saath Ho
    Ya Ilaahi Rang Laayi Jab Meri Be Haaqiyah
    Unki Neechi Neechi Nazro Ki Hayaa Ka Saatho Ho
    Ya Ilaahi Jub Chalo Tareekh Raahe Pul Siraate
    Aftaab-e-Haashmi Noorul Huda Ka Saath Ho
    Ya Ilaahi Jub Sare Shamsheer Par Chalna Pare
    Rabbe Sallim Kehne Waale Ghamzudah Ka Saath Ho
    Ya Ilaahi Jo Dua’e Nek Hum Tujhe Se Kare
    Qudsiyo Ke Lub Se Aameen Rab’bana Ka Saath Ho
    Ya Ilaahi Jub Raza Khaab-e-Giraa Se Sar Uthaa’e
    Daulat-e-Bedaar Ishk-e-Mustafa Ka Saath Ho
    Ya Ilaahi Le Chale Jub Dafan Karne Qabar Me
    Ghause-e-Azam Peshwa’e Awliya Ka Saath Ho


    TO DOWNLOAD AUDIO CLICK HERE
    Note: To Download any one of the following Hamd-o-Sana, please “Right Click” and then click on “Save Target As…”. You can listen these Files by RealPlayer/VLC Player

  • Yeh Sab Tumhara Karam Hai Aaqa

    Koi saleeqa hai aarzoo ka, na bandagi meri bandagi hai
    Yeh sab tumhara qaram hai aaqa keh baat ab tak bani hui hai
    Kissi ka ehsan kyon uthain, kissi ko haalat kyon batain
    Tumhein se mangein gey tum hi do gey, tumhare dar se hi loo lagi hai
    Ata kiya mujh ko darde-ulfat, kaha thi yeh pur khata ki qismat
    Mein iss karam ke kaha tha qabil, huzur ki banda parwari hai
    Shoor o fikro nazar ke dairey, had ka in se barh na paain
    Na choo sake un balandiyon ko, jaha maqame Muhammadi hai
    Tajaliyon ke kafeel tum ho, murad tu ke khalil tum ho
    Khuda ki roshan dalil tum ho, yeh sab tumhari hi roshni hai
    Bashir kahiye nazir kahiye, unhein siraje munir kahiye
    Jo sar ba sar hai kalam-e-rabbi, woh merey aaqa ki zindagi hai
    Ammal ki merey asas kiya hai, bajuz nadamat ke paas kiya hai
    Rahe salamat tumhari nisbat, mera to ek aasra yehi hai
    Hai Qaaba bhi marja-e-khalaiq, bohat numayan hai yeh haqaiq
    Magar jo maqsoode-e-aashqi hai, huzur ke dar ki haazri hai
    Yehi hai khalid asas rehmat, yehi hai khalid bina-e-azmat
    Nabi ka irfan zindagi hai, nabi ka irfan bandagi hai

  • Ya Abaz Zahra (ARABIC IMAGE FILE)

  • Ya Rab Meri Soyi Hui Taqdeer Jaga De

    Ya Rab meri soyi huyi taqdeer jaga day
    Aankhein mujhay di hain to Madina bhi dikha de.
    Sun nay ki jo quwat mujhe bakhshi hai Khuda wand
    Phir Masjid e Nabawi ki azanein bhi suna day.
    Huroon ki na ghilman ki na jannat ki talab hai
    madfan mera Sarkar ki basti main bana de.
    Mudat say mein inn hathoon say karta hoon duaein
    In hathon main ab jali sunehri bhi thama day.
    Moun hasher mein mujhko na chupana parhay ya Rab
    Mujh ko Teray Mehboob key chadar mein chupa dei.
    Ishrat ko bhi ab khushbu e Hassan aata kar
    Jo lafz kahay hein unhein Tu tu naat bana dey.

  • Ya Nabi صلی اللہ علیہ وسلم Dekha Ye Rutba

    Ya Nabi Dekha Ye Rutba Aapki Naalein Ka

    Arsh Ne Chooma Hai Talwa Aapki Naalein Ka

    

    Aapki Khidmat Ka Mujhko Kaash Mil Jaata Sharaf

    Baandhta Haathon Se Tasma Aapki Naalein Ka    

    

    Aapke Qadmon Ki Narmi Qalb Par Mehsoos Ki

    Jab Bhi Mein Ne Naqsh Dekha Aapki Naalein Ka

    

    Hashr Mein Jab Log Choomay Aapka Dust-e-Karam

    Sab Say Chup Kar Loon Mein Boosa Aapki Naalein Ka

    

    Roz-e-Mehshar Sar Pe Soraj Jab Sawaa Neezay Pe Ho

    Aik Nezay Per Ho Saaya Aapki Naalein Ka

    

    Jiss Se Aagay Jaayein Tou Jal Jaye Par Jibril Ke

    Uss Se Aagay Jaana Dekha Aapki Naalein Ka    

    

    Taaj Kyun Na Bheek Maangay Aapki Naalein Ki

    Taajwar Khaatay Hain Sadqa Aapki Naalein Ka