Xantel

Category: Manqabat

  • Muravvato ke Jameel Paykar Rafeeq E Millat Najeeb Hayder

    Muravvato ke Jameel Paykar
    Rafeeq E Millat Najeeb Hayder
    Inayaton Ke Sarapa Khu-gar
    Rafeeq E Millat Najeeb Hayder

    Amanato Ke Sharafato Ke 
    Najaabato Aur Fazeelato Ke
    Luta Rahe Hain Haseen Gouhar
    Rafeeq E Millat Najeeb Hayder

    Isharatein Inki Pyari Pyari
    Hiqayatein Inki Nyari Nyari
    Balahaton Ke Daraksha(n) Akhtar
    Rafeeq E Millat Najeeb Hayder

    Nawazishe Inki Be-Misaali
    Ye Bhar Hi Dete Hain Kaasa Khali
    Hain Be-Nawao Ke Aap Yaavar
    Rafeeq E Millat Najeeb Hayder

    Hain Ye Shariyat Ke Durre Yakta
    Hain Ye Tareeqat Ke Kohe Baala
    Hamare Haadi Hamare Rehbar
    Rafeeq E Millat Najeeb Hayder

    Bohat Ziyada Shafeeq Hain Ye
    Bohat Ziyada Khaleeq Hain Ye
    Haseen Inka Har Ek Tewar
    Rafeeq E Millat Najeeb Hayder

    Ye Noorie Gaddi Ke Pasbaa(n) Hain
    Ye Baagh E Barkat Ke Baghba(n) Hai
    Hain Meharbaan Ye Hamare Dilbar
    Rafeeq E Millat Najeeb Hayder

    Ho Tang Nazri Ki Door Zulmat
    Ho Har Su Roushan Charagh E Ulfat
    Lage Hai Koshish Mein Ye Sarasar
    Rafeeq E Millat Najeeb Hayder

    Mere Labon Pe Yahi Dua Hain
    Yahi Mushahid Ka Mudd’a Hain
    Rahe Saro Par Ye Saaya Gustar
    Rafeeq E Millat Najeeb Hayder

  • Aaya Hai Ye Tera Deewana Shayal Lillah Shayal Lillah

    Aaya Hai Ye Tera Deewana 
    Shayal Lillah Shayal Lillah
    Kehta Hai Ye Har Dam Mastana
    Shayal Lillah Shayal Lillah

    Tu Peer Mera La-Sani Hain
    Aur Ghous Mera Jeelani Hain
    Main Tera Mureed Hu Deewana
    Shayal Lillah Shayal Lillah

    Hai Huqm Tera Huqm E Rabbi
    Ik Damm Me Jo Chahe Karde Wahi
    Ye Daur Tera Hai Shanana
    Shayal Lillah Shayal Lillah

    Main Badd Hi Sahi Main Chor Sahi
    Main Mujrim Khati Kuchh Hi Sahi
    Par Tera Hu Jaane Jaana
    Shayal Lillah Shayal Lillah

    Chahu Jo Agar Tujhko Chahu
    Dekhu Jo Agar Tujhko Dekhu
    Kar De Mujhe Sab Se Be-gaana
    Shayal Lillah Shayal Lillah

    Choote Na Kabhi Tu Aur Ahmad
    Mushkil Jo Pade Ho Teri Madad
    Gar Waqt E Naz’a Ho Aa Jaana
    Shayal Lillah Shayal Lillah

    Lete Rahe Hum Sab Naam Tera
    Karte Rahe Mil Kar Kaam Tera
    Baghdad Se Ho Aab O Daana
    Shayal Lillah Shayal Lillah

    Sab Tere Mazaar E Anwar Par
    Hote Hain Nichavar Aa Aa Kar
    Tu Sham’a Hai Aalam Parwana
    Shayal LillahShayal Lillah

    Khushtar Ko Bulaya Rouze Par
    Ummeed Se Di Ne’amat Badh Kar
    Ho Lutf Karam Ye Saalana
    Shayal Lillah Shayal Lillah


  • Gause Azam Bamane Be saro saama madade

    Gause Azam Bamane Be saro saama’n madade
    Qibla e deen madade Kaba e Ima’n madade

    Mazhare Sirre Azal Gosha e Chashme Karame
    Mahbate Faize Abad Waaqife Pinhaan Madade

    Gushta am barg e khiza’n didaye aashob e jahan
    Ae bahare karame gulshane imka’n madade 

    Gar shukuhat ba sar e ijz nawazi aayad 
    Lashkar e mor faraastad ba sulema’n madade 

    Na buwad dar do jahaan juz tu madadgar mora 
    Madade ay sar o sar karda e paaka’n madade 

    Zarra am chand tapad dar shab e zulmat be noor 
    Subhe rahmat karam e mahr e darakhsh’n madade

    Aah az qafla e aehl e dila’n buz dooram 
    Naaqa am ra na buwad juz tu hadikhwa’n madade

    Ma gadaeem tu sultan e do aalam hasti 
    Az tu darem tama’ ya shahe jila’n madade 

    Khak e baghdad buwad surma e binaaiye man 
    Dida am ra che kunad kuh’l e safaha’n madade

    Himmat e kun baman ae baada kashe bazm e huzur 
    Saqi e maikada e aalam e irfa’n madade 

    Bul bule madh e sara e tu am ae rashk e bahar 
    Gul rue sayyed e aalam e imka’n madade

    Intezar e karam e tust man “Ayni” ra 
    Ae khuda ju wa khuda bi’no khuda da’n madade

    Kalaam By Huzoor Hamza Aini Miya Alayhir rehma Marehrawi

  • Rutba Hi Kuch Aisa Hai Uncha Aala Hazrat Ka

    Rutba Hi Kuch Aisa Hai Uncha Aala Hazrat Ka
    Duniya Bhar Me Hota Hai Charcha Aala Hazrat Ka

    Mere Aala Hazrat Ko Nisbat Hai Sarkaar Se
    To Kyun Na Khan Khan Khankega Sikka Aala Hazrat Ka

    Baatil Ko Baatil Likhha Aur Haq Likhha Iss Waaste
    Sab Fatwo(n) Par Bharee Hai Fatwa Aala Hazrat Ka

    Aisa Din Bhi Ayega Saari Duniya Dekhegi
    Ke Duniya Mein Lehrayega Jhanda Aala Hazrat Ka

    Humko Ay Sajjad Ab Kya Koyi Behkayega
    Jab Tak Mere Sar Par Hai Saaya Aala Hazrat Ka

  • Khuda Ke Fazl Se Hum Par Hai Saaya Ghous E Azam Ka

    Khuda Ke Fazl Se Hum Par Hai Saaya Ghous E Azam Ka
    Humen Dono Jahaan Mein Hai Sahara Ghous E Azam Ka

    Muhammed Ka Rasoolo Mein Hai Jaise Martaba A’ala
    Hai Afzal Awliya Me Yun Hi Rutba Ghous E Azam Ka

    Mureedi La-Takhaf Keh Kar Tasalli Di Ghulamo Ko
    Qayamat Tak Rahe Be-Khauf Banda Ghous E Azam Ka

    Hamari Laaj Kiske Haath Hai Baghdad Wale Ke
    Musibat Taal Dena Kaam Kiska Ghous E Azam Ka

    Gaye Ek Waqt Mein Sattar Mureedo Ke Yaha Hazrat
    Samajh Me Aa Nahi Sakta MuAmma Ghous E Azam Ka

    Luab Apna Chataya Ahmed E Mukhtar Ne Inko
    To Phir Kaise Na Hota Bolbaala Ghous E Azam Ka

    Azizo Kar Chuko Taiyaar Jab Mere Janaaze Ko
    To Likh Dena Kafan Par Naam E Waala Ghous E Azam Ka

    Farishto Rokte Ho Kyu Mujhe Jannat Me Jaane Se
    Ye Dekho Haath Mein Daaman Hai Kiska Ghous E Azam Ka

    Lahad Mein Jab Farishte Mujhse Poochenge To Keh Dunga
    Tariqa Qadri Hu Naam Leva Ghous E Azam Ka

    Khudawanda Dua Maqbool Kar Hum Roo Siyaho(n) Ki
    Gunahon Ko Hamare Baksh Sadqa Ghous E Azam Ka

    Janaab Ghous Dulha Aur Baraati Auliya Honge
    Mazaa Dikhlayega Mehshar Me Sehra Ghous E Azam Ka

    Nida Dega Munaadi Hashr Mein Yun Qadriyo Ko
    Kidhar Hai Qadri Karle Nazara Ghous E Azam Ka

    Mukhalif Kya Kare Mera Ke Hai Behad Karam Mujh Par
    Khuda Ka Rehmatallil A’almeen Ka Ghous E Azam Ka

    Farishte Madrase Tak Saath Pohchaane Ko Jaate The
    Ye Darbaar E Ilahi Mein Hai Rutba Ghous E Azam Ka

    Salasile Jahan Kyu Gar Na Unke Rob Se Kaampe
    Na Laya Sher Ko Khatre Mein Kutta Ghous E Azam Ka

    Jameel E Qadri Sau Jaan Ho Qurbaan Murshid Par
    Banaya Jisne Tujh Jaise Ko Banda Ghous E Azam Ka

  • Rehmat Ka Gehwara Hai Yeh Barkat Wala Marehra

    Rehmat Ka Gehwara Hai Yeh Barkat Wala Marehra
    Urs E Hasan Mein Aur Bhi Chamka Tal’at Wala Marehra

    Jiske Ik Ghumbad Ke Neeche Saat Qutub Aaram Karein
    Aisa Ghous Ne Baswaya Hai Ne’amat Wala Marehra

    Ishqi Ghar Mein Ayni Darr Hai Jiski Noori Rangat Hai
    Shamsh E Marehra Ka Maskan Azmat Wala Marehra

    Maula Ali Se Le Kar Ab Tak Ilm Ki Sab Qindeelein Hain
    Ilm O Fazl O Daanaye O Hikmat Wala Marehra

    Sayyad Aur Hasan Se Jo Har Jiske Khazane Se Paaye
    Hashmi Qarshi Makki Madni Daulat Wala Marehra

    Sidk O Sifa Ki Jood O Ataa Ki Dhoomein Jiski Ghar Ghar Hai
    Aisi Ameeni Aur Najeebi Shohrat Wala Marehra

    Shah Hasan Ne Jisko Apne Khoon E Jigar Se Seencha Hai
    Ashraf Afzal Bann Ke Nikhra Rif’at Waala Marehra

    Ahmed Apni Qismat Par Tum Jitna Naaz Karo Kam Hai
    Tum Ko Tumhare Rabb Ne Baksha Chahat Wala Marehra

  • Ghous E Azam Ka Deewana Jo Hai Khwaja Ka Mastana

    Ghous E Azam Ka Deewana Jo Hai Khwaja Ka Mastana
    Jo Muhammad Pe Dil Se Fida Hain 
    Wo Bareiley Ka Ahmed Raza Hai

    Jab Wo Paida Hua Noori Saaye Tale Baatil E Najd Mein Aa Gaye Zalzale
    Kaise Uski Fazeelat Ka Suraj Dhale Jiski Azmat Ka Sikka Arab Me Chale
    Jiska Khaaye Uska Gaaye Uska Naara Hum Lagaye, Jiska Naara Arab Mein Laga Hai
    Wo Bareiley Ka Ahmed Raza Hai

    Jisne Ishq E Nabi Mein Utha Ke Qalam Mustafa Jaan E Rehmat Kiya Hai Raqam
    Bad Aqeedoh Ka Jisne Giraya Alam Jisne Sarr Najdiyat Kiya Hai Qalam
    Jab Bhi Ye Kisi Ne Poocha Har Taraf Se Naara Gunja, Ke Wo Khwaja Piya Ki Ataa Hai
    Wo Bareiley Ka Ahmed Raza Hai

    Dasvi Tareekh Thi Maahe Shavval Tha Ghar Naqi Khan Ke Beta Paida Hua
    Naam Ahmad Raza Uska Rakhha Gaya Aala Hazrat Zamane Ka Wo Bann Gaya
    Ilm O Hiqmat Ka Khazana Ho Mujaddid E Zamana Najdiyo Se Jo Tanha Lada Hai
    Wo Bareiley Ka Ahmed Raza Hai

    Jab Raza Kha(n) Ko Bay’at Ki Khwaish Hui Pohache Marehra Wo Umr Baayis Ki Thi
    Faiz E Barkaat Se Aysi Barkat Mili Saath Bay’at Ke Fauran Khilafat Mili
    Aala Hazrat Unko Tanha Sirf Main Hi Nahi Kehta Achhe Achho Ko Kehna Pada Hai 
    Wo Bareiley Ka Ahmed Raza Hai

  • Hamari Hai Dua Shahe Ghousul Wara

    Hamari Hai Dua Shahe Ghousul Wara
    Hara Bhara Rahe Ye Qadri Chaman

    Main Qadri Hu Shukr Hai Rabbe Qadeer Ka
    Hatho Mein Mere Haath Hai Peeran E Peer Ka

    Imdad Kun Imdad Kun Az Bande Ghum Aazad Kun
    Dar Deen O Duniya Shaad Kun Ya Ghous E Azam Dastagheer

    Jiska Koyi Nahi Hai Sahara Uske Tum Ho Sahara
    Kurba Jau Mein Ay Mere Meera Hain Kitna Pyara Sahara
    Chalo Ay Aashiqo Chal Ke Ab Dekh Lo
    Khila Hai Noor Se Ye Qadri Chaman

    Tere Qadmo Mein Jo Maut Aaye Wo Maut Kitni Hasee(n) Ho
    Baqsha Jaunga Rouz E Qayamat Itna Mujhko Yaqee(n) Hain
    Tamanna Hai Meri Ho Chaadar Aapki
    Khuda Kare Yahi Bane Mera Kafan


    Audio Credits: Hi-Tech Islamic Naat

  • Jo Sunniyat ki Shaan hai, jo Qaum ka Imaam hai Nabi ka jo Ghulam hai, Raza usi ka naam

    Jo Sunniyat Ki Shaan Hai, Jo Qaum Ka Imaam Hai
    Nabi Ka Jo Ghulam Hai, Raza Usi Ka Naam
    Jo Razviyon Ki Shaan Hai, Jo Chishtiyon Ki Aan Hai
    Wo Qaadiri Pathaan Hai, Raza Usi Ka Naam Hai

    Raza Raza Raza Raza,  Raza Raza Raza Raza,  Raza Raza

    Naqi Ka Pyara Laadla, Jo Ilm Ka Pahaad Hai
    Jo Najdiyoun Ke Waaste To Sher Ki Dahaad Hai
    Wahabi Jis Se Darr Gaye, Bohat Se Hi Sudhar Gaye,
    Ye Jiska Faiz E Aam Hai, Raza Usi Ka Naam Hai

    Raza Raza Raza Raza,  Raza Raza Raza Raza,  Raza Raza

    Naseeb Wale Dekhte Hain Khwaab Me Huzoor Ko
    Magar Kisine Jaagte Me Dekha Haqq Ke Noor Ko
    Hai Aisa Kon Dosto? Batata Hu Suno Suno
    Wo Ishq Ka Imaam Hai, Raza Usi Ka Naam Hai

    Raza Raza Raza Raza,  Raza Raza Raza Raza,  Raza Raza

    RazaKe Baad Mustafa Raza Hume Ataa Huve
    Jinhone Har Mureed Ko Milaya Ghous E Paak Se
    Abb Aysa Peer Hain Kahan? Siwaye Azhari Miyaan
    Diya Hume Inaam Hai Raza Usi Ka Naam Hai

    Raza Raza Raza Raza,  Raza Raza Raza Raza,  Raza Raza

    Ya Rabb Janabe Muftiye Aazam Ki Khair Ho
    Unse Hamare Dard Ka Darma Hai Aaj Bhi
    Ya Rabb Hamare Hazrat E Akhtar Ki Khair Ho
    Jinse Raza O Noori Ka Faizaan Hai Aaj Bhi

    Raza Ke Baad Mustafa Raza Ka Dariya Dekhiye
    Hamare Pyaare Azhari Miyan Ka Jalwa Dekhiye
    Haram Mein Rutba Paa Gaye, Zamane Mein Jo Chha Gaye
    Ye Jiska Faiz E Aam Hai, Raza Usi Ka Naam Hai

    Raza Raza Raza Raza,  Raza Raza Raza Raza,  Raza Raza

    Deen O Dunya Ki Hai Isme Hi Behtari
    Dosto Thaam Lo Daaman E Azhari
    Naaz Jin Pe Kare Aaj Khud Rehbari
    Aysa Peer E Tareeqat Salamat Rahe
    Main Rahu Na Rahu Is Jahaan Mein Magar
    Mera Taaj E Shariat Salamat Rahe

    Raza Ke Baad Mustafa Raza Ka Dariya Dekhiye
    Hamare Pyaare Azhari Miyan Ka Jalwa Dekhiye
    Haram Mein Rutba Paa Gaye, Zamane Mein Jo Chha Gaye
    Ye Jiska Faiz E Aam Hai, Raza Usi Ka Naam Hai

    Raza Raza Raza Raza,  Raza Raza Raza Raza,  Raza Raza

    Raza Se Miloge To Khil Jaoge, Aur Raza Se Jaloge To Jal Jaoge
    Ahmed Raza Ka Taaza Gulistaan Hai Aaj Bhi
    Khursheed E Ilm Unka Darakshaan Hai Aaj Bhi
    Tum Kya Gaye Ke Rounaq E Mehfil Chali Gayi
    Sher O Adab Ki Zulf Pareshaan Hai Aaj Bhi
    Baad E Wisaal Ishq E Nabi Kam Nahi Hua
    Rooh E Raza Huzoor Pe Qurbaan Hai Aaj Bhi
    Sab Unnse Jalne Walo Ke Ghul Ho Gaye Chiraagh
    Ahmed Raza Ki Sham’a Firoza Hai Aaj Bhi

    Raza Se Jalne Walon Ke Diye Na’em Bujh Gaye
    Jo Maslak E Raza Se Aur Salaam Se Ulajh Gaye

    Nicha Karne Ko Kitne Ade Reh Gaye
    Aala Hazrat Bade The Bade Reh Gaye

    Raza Se Jalne Walon Ke Diye Na’em Bujh Gaye
    Jo Maslak E Raza Se Aur Salaam Se Ulajh Gaye
    Ye Aisa Ik Salaam Hai Zamane Mein Jo Aam Hai
    Ke Jiska Ye Salaam Hai Raza Usi Ka Naam Hai

    Raza Raza Raza Raza,  Raza Raza Raza Raza,  Raza Raza

    Rouz E Mehshar Agar Mujhse Pooche Khuda
    Bol Aal E Rasool Tu Laaya Hai Kya
    Arz Kar Dunga Laaya Hu Ahmed Raza
    Ya Khuda Ye Amanat Salamat Rahe

    Kaha Raza Ke Peer Ne, Jahaan Ke Dastageer Ne
    Wali E Be-Nazeer Ne, Ke Peeron Ke Bhi Peer Ne
    Jo Puchega Agar Khuda Ke Tohfa Saath Laaye Kya
    Kahega Aal E Mustafa Raza Raza Raza Raza

    Raza Raza Raza Raza,  Raza Raza Raza Raza,  Raza Raza

    Wo Ismail dahelwi Wo Sharrefel Thanwi
    Wo Qasim E nanotwi Wo Kawwe Wala Molvi
    Sabhi Ka Band Naatqa Qalam Se Jisne Kar Diya
    Wo Kaun Hai Wahi To Hai Raza Usi Ka Naam Hai

  • Jaaliyo Par Nigahein Jamee Hain

    Faaslo Ko Khudara Mitaa Do
    Rukh Se Parda Ab Apne Hata Do
    Apna Jalwa Isi Main Dikha Do
    Jaaliyo Par Nigahein Jamee Hain

    Ghous Ul Azam Ho Ghous Ul Waraa Ho
    Noor Ho Noor E Salle Ala Ho
    Kya Bayaa(n) Aapka Martaba Ho
    Dastagheer Aur Mushkil Kusha Ho
    Aaj Deedar Apna Kara Do
    Jaaliyo Par Nigahein Jamee Hain

    Wajd Main Aayega Saara A’alam
    Jab Pukarenge Ya Ghous E Azam
    Wo Nikal Aayenge Jaaliyo Se
    Aur Qadmo Mein Girr Jayenge Hum
    Phir Kahenge Ke Bigri Bana Do
    Jaaliyo Par Nigahein Jamee Hain

    Shiddat E Ghum Se Ghabhra Gaya Hu
    Ab To Jeene Se Tang Aa Gaya Hu
    Har Taraf Aapko Dhundhta Hu
    Har Ek Ek Se Ye Poochta Hu
    Koyi Paigham Ho To Bata Do
    Jaaliyo Par Nigahein Jamee Hain

    Ek Mujrim Siyah Kaar Hu Main
    Har Khata Ka Sazawar Hu Main
    Mere Chaaron Taraf Hai Andhera
    Roshni Ka Talabghar Hu Main
    Ek Diya He Samajh Ke Jala Do
    Jaaliyo Par Nigahein Jamee Hain

    Sunn Rahe Hai Wo Fariyad Meri
    Khaaq Hogi Na Barbaad Meri
    Main Kahi Bhi Maru Shah E Jeela(n)
    Rooh Pohchegi Baghdad Meri
    Mujhko Parwaaz Ke Parr Laga Do
    Jaaliyo Par Nigahein Jamee Hain

    Fiqr Dekho Khayalat Dekho
    Ye Aqeedat Ye Jazbaat Dekho
    Main Hu Kya Meri Auqaat Dekho
    Saamne Kaisi Hai Zaat Dekho
    Apne Sarr Ko Adeeb Ab Jhuka Do
    Jaaliyo Par Nigahein Jamee Hain