Xantel

Category: Kalaam E Noori

  • Shah E Waala Mujhe Taibah Bula Lo

    Shah E Waala Mujhe Taibah Bula Lo
    Taibah Bula Lo Mujhe Taibah Bula Lo
    Devdhi Ka Apni Kutta Bana Lo
    Qadmon Se Apne Mujh Ko Laga Lo

    Sadqe Mein Sadqe Mein Sadqe Bula Lo
    Furqat Ke Maare Ko Pyare Jhila Lo
    Pyare Jhila Lo Mujhe Pyare Jhila Lo
    Maula Jhila Lo Mujhe Aaqa Jhila Lo

    Duniyan Ke Jhaghdo Se Yaksar Chhudaa Kar
    Ghairon Ki Ulfat Ko Dil Se Mitaa Kar
    Shah E Waala Mujhe Apna Bana Lo
    Apna Bana Lo Mujhe Apna Bana Lo

    Naikon Ke Sadqe Mein Hum Se Badon Ko
    Zaaro Nazaaro Museebat Zadon Ko
    Maula Nibhaa Lo Mere Maula Nibhaa Lo
    Haan Haan Nibhalo Mere Maula Nibhaa Lo

    Hotey Ho Tum Kyu Maayus O Muztar
    Kis Waastey Ho Hairaan O Shashdar
    Dukh Dard Walo Suno Dukh Dard Walo
    Taibah Se Har Ek Apni Dawa Lo

    Aankhon Mein Aao Dil Me Samaao
    Parda Uthao Jalwa Dikhao
    Hasrat Zadaa Ki Pyare Dua Lo
    Hasrat Nikalo Meri Hasrat Nikalo

    Dolat Hai Nayya Mori Bhavar Mein
    Maula Tiraao Aike Nazar Mein
    Moori Khabariya Morey Piya Lo
    Moko Bachal Lo Piya Moko Bacha Lo

    Taaib Hon Najdi Aaib Hon Najdi
    Aur Ye Na Ho To Khaaib Hon Najdi
    Gaaib Hon Najdi Maula Nikalo
    Jaldi Nikalo Inhein Jaldi Nikalo

    Ye Noori Muztar Tera Sanaagar
    Aur Iska Ghar Bhar Ho Haazir-E-Darr
    Apne Gadaagar Ko Darr Par Bula Lo
    Amn O Aman Se Hamein Sarwar Bula Lo

  • Fauze Ghum Ki Baraa Bar Chadhayi Hai

    Fauze Ghum Ki Baraa Bar Chadhayi Hai
    Dafa E Ghum Tumhari Duhayi Hai

    Umr Khelo(n) Me Humne Gawayi Hai
    Umr Bhar Ki Yahi To Kamayi Hai

    Tumne Kab Aankh Humko Dikhayi Hai
    Tumne Kab Aankh Humse Firayi Hai

    Tu Khuda Ka Huwa Aur Khuda Tera
    Tere Qabze Me Saari Khudayi Hai

    Jab Khuda Khud Tumhara Huwa To Fir
    Kaun Si Cheez Hai Jo Parayi Hai

    Ambiya(n) Ko Rasaayi Mili Tum Tak
    Bass Tumhari Khuda Tak Rasaayi Hai

    Mera Beda Kinare Lage Pyare
    Nuuh Ki Naa(n)v Kisne Tirayi Hai

    Aagh Ko Baagh Kisne Kiya Pyare
    Tum Ne Tumne Hi Qudrat Ye Paayi Hai

    Kaash Wo Hashr Ke Din Kahe Mujhse
    Naare Douzakh Se Tujhko Rihaayi Hai

    Taybah Jau Waha Se Na Wapas Aau
    Mere Jee Me To Abb Ye Samayi Hai

    Shouqe Deedaar E Noori Me Ay Noori
    Rukh Kheench Kar Abb Aankhon Me Aayi Hai

  • Khila Mere Dil Ki Gali Ghous E Aazam

    Khila Mere Dil Ki Gali Ghous E Aazam
    Mita Qalb Ki Be Kali Ghous E Aazam

    Mere Chand Mai Sadqe Aaja Idhar Bhi
    Chamak Uthhe Dil Ki Gali Ghous E Aazam

    Tere Rab Ne Maalik Kiya Tere Jad Ko
    Tere Ghar Se Duniya Pali Ghous E Aazam

    Wo Hai Kaun Aisa Nahi Jisne Paaya
    Tere Darr Pe Duniya Dhali Ghous E Aazam

    Kaha Jisne Ya Ghous Aghisni To Damm Me
    Bar-Aayi Musibat Tali Ghous E Aazam

    Nahi Koi Bhi Aisa Fariyadi Aaqa
    Khabar Jiski Tumne Na Li Ghous E Aazam

    Meri Rouzi Mujhko Ataa Kar De Aaqa
    Tere Darr Se Duniya Ne Li Ghous E Aazam

    Na Maangu Me Tujhse To Fir Kis Se Maangu
    Kahi Aur Bhi Hai Chali Ghous E Aazam

    Sadaa Gar Yaha Mai Na Du To Kaha Du
    Koi Aur Bhi Hai Gali Ghous E Aazam

    Jo Qismat Ho Meri Buri Achhi Kar De
    Jo A’adat Ho Badd Kar Bhali Ghous E Aazam

    Tera Martaba A’ala Kyo Ho Na Maula
    Tu Hai Ibn E Maula Ali Ghous E Aazam

    Qadam Gardan E Awliya Par Hai Tera
    Hai Tu Rabb Ka Aisa Wali Ghous E Aazam

    Jo Doobi Thi Kashti Wo Damm Me Nikali
    Tujhe Aisi Qudrat Mili Ghous E Aazam

    Hamara Bhi Beda Laga Do Kinare
    Tumhe Nakhudayi Mili Ghous E Aazam

    Tabahi Se Naav Hamari Bachaa Do
    Hawa E Mukhalif Chali Ghous E Aazam

    Fida Tumpe Ho Jaaye Noori E Muztar
    Ye Hai Uski Khwaish Dili Ghous E Aazam

  • Koyi Kya Jane Jo Tum ho Khuda Hi Jaane Kya Tum Ho

    Koyi Kya Jane Jo Tum ho Khuda Hi Jaane Kya Tum Ho
    Khuda To Keh Nahi Sakte Magar Shaane Khuda Tum Ho

    Tumhara Husn Aisa Hai Ki Mehboob E Khuda Tum Ho
    Mahe Kaamil Kare Kasbe Ziya Wo Mahlika Tum Ho

    Jahan Taarik Tha Saara Andhera Hi Andhera Tha
    Tum Aaye Zulmate tumse Miti Badrudduja Tum Ho

    Shabe Mearaj Se Ay Sayyide kul Ho Gaya Zaahir
    Rasool Hai Muqtadi Saare Imam Ul Ambiya Tum Ho

    tumhare Baad Paida Ho Nabi Koyi Nahi Mumkin
    Nubuvvat Khatam Hai Tum Par Ki Khatmul Ambiya Tum Ho

    Giraftaar E Balaa Hazir Hue Hai Toote Dil Le Kar
    Ki Har Bekal Ki Kal Toote Dilo Ka Aasra Tum Ho

    Khabar Lije Khudara Mere Maula Mujh Se Bekas Ki
    Ki Har Bekas Ke Kas Bebas Ke Bas Roohi Fida Tum Ho

    Chamak Jaaye Dile Noori Tumhare Paak Jalwo Se
    Mita Do Zulmat E Dil Ki Mere Noor Ul Huda Tum Ho

  • Hum Apni Hasrate Dil Ko Mitane Aaye Hai

    Hum Apni Hasrate Dil Ko Mitane Aaye Hai
    Hum Apni Dil Ki Lagi Ko Bujhane Aaye Hai

    Kareem Hai Wo Nigah E Karam Se Dekhenge
    Hai Daagh-Daagh Dil Apna Dikhane Aaye Hai

    Huzoor Bahre Khuda Daastaan E Ghum Sun Le
    Ghum E Firaaq Ka Kissa Sunane Aaye Hai

    Nigaah E Lutf O Karam Hogi Aur Fir Hogi
    Ki Zakhm E Dil Pe Ye Marham Lagane Aaye Hai

    Faqeer Aapke Darr Ke Hai Hum Kaha Jaye
    Tumhare Kuche Me Dhuni Ramaane Aaye Hai

    Naseeb Jaag Utha Uska Chayn Se Soya
    Wo Jisko Kabr Me Sarwar Sulane Aaye Hai

    Naseeb Tera Chamak Uthha Dekh To Noori
    Arab Ke Chand Lahad Ke Sir-hane Aaye Hai

  • Rusul Unhi Ka To Muzdah sunane Aaye Hai

    Rusul Unhi Ka To Muzdah sunane Aaye Hai
    Unhi Ke Aane Ki Khushiya Manane Aaye Hai

    Firishte Aaj Jo Dhume Machane Aaye Hai
    Unhi Ke Aane Ki Shadi Rachane Aaye Hai

    Falak Ke Hur O Malak Geet Gaane Aaye Hai
    Ki Do Jahan Me Ye Danke Bajane Aaye Hai

    Ye Bhoole Bichdo Ko Raste Pe Laane Aaye Hai
    Ye Bhoole Bhatko Ko Hadi Banane Aaye Hai

    Chamak Se Apni Jahan Jagmagane Aaye Hai
    Mahak Se Apni Ye Kunche Basane Aaye Hai

    Naseem E Faiz Se Gunche Khilane Aaye Hai
    Karam Ki Apni Bahaare Dikhane Aaye Hai

    Yahi To Sote Huwo Ko Jagane Aaye Hai
    Yahi To Rote Huwo Ko Hasane Aaye Hai

    Unhe Khuda Ne Kiya Apne Milk Ka Maalik
    Unhi Ke Qabze Me Rabb Ke Khazane Aaye Hai

    Jo Chahenge Jise Chahenge Ye Use Denge
    Kareem Hai Ye Khazane Lutane Aaye Hai

    Rauf Aise Hai Ye Aur Raheem Hai Itne
    Ki Girte Padto Ko Seene Lagane Aaye Hai

    Sunoge “La” Na Zabaan E Kareem Se Noori
    Ye Faiz O Jood Ke Dariya Bahane Aaye Hai

  • Maqbool Dua Karna Manzoor Sana Karna

    Maqbool Dua Karna Manzoor Sana Karna
    Mid-hat Ka Sila Dena Maqbool Sana Karna

    Dil Zikre Shareef Unka Har Subho Masa Karna
    Din Raat Japa Karna Har Aan Rata Karna

    Seene Pe Qadam Rakhna Dil Shaad Mera Karna
    Dard E Dil E Muztar Ki Sarkaar Dawa Karna

    Sansaar Bhikari Hai Jag Daata Daya Karna
    Hai Kaam Tumhara Hi Sarkaar Ataa Karna

    Kab Aapke Kunche Me Mangta Ko Sada Karna
    Khud Bheek Liye Tumko Mangta Ko Nida Karna

    Din Raat Hai Taibah Me Daulat Ka Luta Karna
    Mangta Ki Dawa Karna Mangta Ka Bhala Karna

    Din Raat Khatao Par Humko Hai Khata Karna
    Aur Tumko Ataao Par Har Dam Hai Ataa Karna

    Hum Apne Khatao Par Naadim Bhi Nahi Hote
    Aur Unko Ataao Par Har Baar Hai Ataa Karna

    WALLAH Wo Sun Lenge Aur Dil Ki Dawa Denge
    Bekaar N Jayega Faryado Buka Karna

    Aada Ko Khuda Waala Jab Tumne Bana Daala
    Dushwar Hai Tum Par Kya Mujh Badd Ka Bhala Karna

    Taibah Me Bula Lena Aur Apna Banaa Lena
    Qaidi Ghum E Furqat Ke Sarkaar Rihaa Karna

    Hum Arz Kiye Jaaye Sarkaar Sune Jaaye
    Kya Duur Karam Se Hai Din Aisa Shaha Karna

    Har Daagh Mita Dena Aur Dil Ko Shifa Dena
    Aayina Bana Dena Aisi Tu Jhila Dena

    Parde Me Jo Rehte Ho Parda Hai Chale Aao
    Aankhon Me Basa Karna Tum Dil Me Raha Karna

    Hu Tishna Magar Saqee Deedar Ke Sharbat Ka
    Ik Jaam Mujhe Pyare LILLAH Ataa Karna

    Hai Pyaas Se Haal Abtar Nikli Hai Zubaa(n) Baahar
    Ik Jaam Mujhe Sarwar Kauthar Ka Ataa Karna

    Wo Tera Bura Chahe Mumkin Hi Nahi Un se
    A’ada Ki Bhalayi Ki Jinko Hai Dua Karna

    Duniya Bane Ya Bigde Duniya Rahe Ya Jaaye
    Tu Deen Bana Pyare Duniya Ka Hai Kya Karna

    Khaya Piya Aur Pehna Achho Se Raha Achha
    Kuch Deen Ka Bhi Karle Duniya Ka Hai Kya Karna

    Barbaad Na Ho Mitti IsKhaaq Ke Putle Ki
    ALLAH Mujhe Unki Khaaqe Kafe Paa Karna

    Kyu Naqshe Kafe Paa Ko Dil Se Na Lagaye Wo
    Hai Aayina E Dil Ki Noori Ko Jhila Karna

  • Kaun Kehta Hai Aankhei(n) Chura Kar Chale

    Kaun Kehta Hai Aankhei(n) Chura Kar Chale
    Kab Kisi Se Nigahe Bacha Kar Chale


    Kaun Unse Nigahe Lada Kar Chale
    Kiski Taaqat Hai Jo Aankhein(n) Mila Kar Chale


    Wo Hansi Kya Jo Fitne Utha Kar Chale
    Haan Hansi Tum Jo Fitne Mita Kar Chale


    Rabb Ke Bando Ko Rab Se Mila Kar Chale
    Jalwa E Haq Wo Humko Dikha Kar Chale


    Jagmaga Daale Galiya(n) Jidhar Aaye Woh
    Jab Chale Wo To Kooche Basa Kar Chale


    Koi Maane Na Maane Ye Wo Jaan Le
    Seedha Raasta Wo Sabko Bata Kar Chale


    Badd Se Badd Ko Liye Jisne Agosh Me
    Kab Kisi Se Wo Daaman Bacha Kar Chale


    Jo Kameene The Unko Muaz-zaz Kiya
    Wo Razilo Ko Seene Laga Kar Chale


    Jism Par Noor Ka Yu To Saaya Na Tha
    Aur Path-thar Me Nakshe Jama Kar Chale


    Marte Dam Sar Dar E Paak Par Rakh Diya
    Iss Adaa Se Kaza Hum Adaa Kar Chale


    Kisi Jaanib Se Aayi Nida E Huzoor
    Mujrimo Ki Rihayi Ka Kya Kar Chale


    Daagh E Dil Humne Noori Dikha Hi Diya
    Dard E Dil Ka Fasana Suna Kar Chale

  • La Mau-Jooda Illallah La Mash-huda Illallah

    La Mau-Jooda Illallah, La Mash-huda Illallah,
    La Maqsooda Illallah, La Ma’booda Illallah


    Hai Maujood E Haqeeqi WO, Hai Mash-hud E Haqeeqi WO
    Hai Maqsood E Haqeeqi WO, Ma’bude Haq-o-Haqeeqi WO


    Rabbi Hasbi Jallallah, Maa Fi Qalbi Illallah
    Haq Haq Haq ALLAH ALLAH ALLAH, Rab Rab Rab SubhaanALLAH


    Sota Peeta Khaat Nahi, Uska Rishta Naata Nahi
    Uske Pita Aur Maata Nahi, Uske Jooru Jaata Nahi


    Mai Hu Banda Wo Maula, Kaun Hai Apna Uske Siwa
    Mai Hu Uska WO Mera, Jisne Banaya Aur Paala


    Aankho Me WO Hai Sarr Me WO, Dil me Wo Hai Jigar Me WO
    sam’a Me WO Hai Basar Me WO, Tab’a Me WO Hai Fikar Me WO


    Noor Me WO Hai Nazar Me WO, Shams Me WO Hai Qamar Me WO
    Abr Me WO Hai Guhar Me WO, Koh Me WO Hai Hajar Me WO


    Jalwe USKE Hai Har Jaa, Zaat Hai Uski Jaa Se Varaa
    Qudrat Se WO In me Hua, Zaat Me Hai WO Sabse Juda


    Apne Karam Se Rabbe Kareem, Humpe Kiya Ehsaan E Azeem
    Bheja Hum Me Ba-Fazle Azeem, Bahre Karam Ka Durre Yateem


    Apne Mazhar E Awwal Ko, Apne Habeeb E Ajmal Ko
    Pehle Nabi E Afzal Ko, Pichle Mursale Akmal Ko


    Aisi Fazeelate Unko Di, Jinka Misl Imkaa Me Nahi
    Roohe Rawane Khuld E Baree, Nakhle Jaha(n) Ke Asl Matee


    Mouje Awwal Bahre Qidam, Mouje Aakhir Bahre Karam
    Sabse Aala Aur Aazam, Sabse Aula Aur Akram


    Jinko Banaya Apne Liye, Sabko Banaya Jin Ke Liye
    Kab Unhe De Ke Unse Liye, Par SAb Chore Tere Liye


    Maula Dil Ka Zang Chura, Qalb E Noori Paaye Jhila
    Dil Ko Kar De Aayina, Jisme Chamke Ye Kalmah


    LA ILAHA ILLALLAH MUHAMMADUR RASOOLALLAH

  • Tajalli E Noor e Kidam Ghous E Aazam

    Tajalli E Noor e Kidam Ghous E Aazam
    Ziya E Sirajuz Zulam Ghous E Aazam

    Tera Hil Hai Tera Haram Ghous E Aazam
    Arab Tera! Tera Ajam Ghous E Aazam

    Wo Ik Vaar Ka Bhi Na Hoga Tumhare
    Kaha Hai Mukhalif Me Damm Ghous E Aazam

    Tere Hote Hum Par Sitam Dhaye Dushman
    Sitam Hai Sitam Hai Sitam Ghous E Aazam

    Badhe Housle Dushmano Ke Ghata De
    Zara Le Le Teghe Do Dam Ghous E Aazam

    Nahi Laata Khatir Me Shaho Ko Shaha
    Tera Banda E Be-Diram Ghous E Aazam

    Karam Chahiye Tera Tere Khuda Ka
    Karam Ghouse Aazam Karam Ghous E Aazam

    Karo Pani Ghumn ko Bahaa Do A’alam Ko
    Ghataye Badhi Ho Karam Ghous E Aazam

    Nazar Aaye Mujhko Na Surat Alam Ki
    Na Dekhu Kabhi Ru-e Ghum Ghous E Aazam

    Kuch Aisa Guma De Muhabbat Me Apni
    Ke Khud Keh Uthu Me Manam Ghous E Aazam

    Khuda Rakhe Tumko Hamare Saro Par
    Hai Bas Ik Tumhara Hi Dam Ghous E Aazam

    Dam-e-Naz’a Sirane Aajao Pyare
    Tumhe Dekh Kar Nikle Dam Ghous E Aazam

    Dam-e-Naz’a Aao Ke Dam Aaye Dam Me
    Karo Humpe Yaseen Dum Ghous E Aazam

    Ye Dil Ye Jigar Hai Ye Aankhe Ye Sar Hai
    Jaha Chaho Rakhdo Qadam Ghous E Aazam

    Tumhari Mahak Se Gali Kuche Mahke
    Hai Baghdaad Rashke Iram Ghous E Aazam

    Na Palla Ho Halka Hamara Na Hum Ho
    Na Bigde Hamara Bharam Ghous E Aazam

    Tumhare Karam Ka Hai Noori Bhi Pyasa
    Mile Yum Se Isko Bhi Nam Ghous E Aazam